Elbasy men EEK alqasynyń tóraǵasy JEEK otyrysynyń kún tártibin talqylady

ASTANA. QazAqparat - Nursultan Nazarbaev Eýrazııalyq ekonomıkalyq komıssııa alqasynyń tóraǵasy Tıgran Sarkısıandy qabyldady, dep habarlaıdy Aqordanyń baspasóz qyzmeti.

Kezdesýde Joǵary Eýrazııalyq ekonomıkalyq keńes otyrysynyń kún tártibindegi jaıttar talqylandy.

2016 jyly Qazaqstannyń EAEO-ǵa tóraǵalyǵy barysynda eýrazııalyq ıntegratsııany odan ári jalǵastyrý máselelerine qatysty birqatar mańyzdy qujattar ázirlendi, atalǵan máseleler aldaǵy otyrysta qarastyrylatyn bolady. Olardyń qatarynda kólik saıasatyn birlese úılestirý, keden zańnamasy, elektr energetıkasynyń ortaq naryǵyn qalyptastyrý máselelerin atap ótýge bolady.