Elbasy Meksıka prezıdentine kóńil aıtty

ASTANA. QazAqparat - Memleket basshysy Meksıka Qurama Shtattarynyń Prezıdenti Enrıke Penıa Netoǵa kóńil aıtý jedelhatyn joldady, dep habarlady búgin Aqordanyń baspasóz qyzmeti.

Nursultan Nazarbaev Meksıkadaǵy iri jer silkinisi saldarynan kóptegen adamnyń qaza bolǵany týraly habardy zor kúızelispen qabyldady.

«Qazaqstan halqynyń jáne jeke ózimniń atymnan Sizge, qaza bolǵandardyń otbasylary men jaqyndaryna, sondaı-aq barsha Meksıka halqyna kóńil aıtamyn. Zardap shekkenderdiń tezirek saýyǵyp ketýine, eldi-mekender ınfraqurylymynyń qaıta qalpyna kelýine tilektestik bildiremin», - delingen jedelhatta.