Elbasy maman daıarlaýdy erekshe nazarda ustaý qajettigin atap ótti - Sýdıalardyń V cezi
A. Qarashany 18- QazAqparat /Arman Asqarov/ - Sýdıa - halyqtyń ary. Sondyqtan halyqtyń bul ary taza ári kirshiksiz bolýy tıis. Búgin Astanada bastalǵan QR sýdıalarynyń V seziniń ashylý rásiminde QR Prezıdenti Nursultan Nazarbaev osylaı atap ótti,
dep habarlaıdy QazAqparat.
Elbasy osy maqsatta maman daıarlaýdy erekshe nazarda ustaý qajettigin basa aıtty. «Sot mamandaryn tańdap, olardy meniń qol qoıýyma ákeletin Joǵarǵy sot keńesi óz jumysyn kóterýi shart. Bálkim, osy uıymnyń jumysyn ashyq túrde ótkizip, oǵan úkimettik emes uıymdardy kóptep tartý qajet bolar. Menińshe, sot mamandarynyń jasy 25-ten joǵary bolýy kerek. Sot ádildigine eshkimniń kúmáni bolmaýy tıis. Munyń bári sýdıalardyń ózderine baılanysty. Biz osy maqsattyń údesine shyǵýǵa mindettimiz. Sonda ǵana Qazaqstannyń soty halyqtyń qurmetine bólenip, ádildiktiń basty nyshanyna aınalmaq», dedi Memleket basshysy.
