Elbasy maqalasynda birtutas ult bolý úshin jańǵyrýdyń basty sharttary aıqyndaldy
«Sizdiń Respýblıkamyzdyń ekonomıkasyn, bilimi men ǵylymyn, mádenıeti men ónerin órkendetý jolyndaǵy eseli eńbegińiz búkil dúnıejúzine jaqsy málim! Elimizde ónerdiń barlyq salalaryn damytýdyń Memlekettik baǵdarlamalaryn damytýǵa negiz bolatyn ınnovatsııalyq jobalaryńyz, teorııa men tájirıbeni ózara sabaqtastyrý, oqý júıesin jetildirý arqyly qazaqstandyq Bilim men ǵylymnyń, mádenıet pen ónerdiń sapasyn álemdik deńgeıge kóterýge sińirgen súbeli tabysyńyz barshamyzǵa úlgi», dep jazady T.Júrgenov atyndaǵy Qazaq ulttyq óner akademııasynyń ujymy.
JOO ujymynyń hatynda, Memleket basshysynyń «Bolashaqqa baǵdar: Rýhanı jańǵyrý» maqalasynda birtutas ult bolý úshin jańa turpatty jańǵyrýdyń eń basty sharttary erekshe aıqyndap berilgendigi atap kórsetilgen.
Sonymen qatar, «Jahandaǵy zamanaýı qazaqstandyq mádenıet» jobasyn júzege asyrýdyń qajettigi týraly naqty maqsattar men mindetterdi tujyrymdalǵan.
«Álem jurtshylyǵyna mádenı qazynalarymyzdy tanystyrýdyń jańa tásilderin oılastyrý qajettigin tapsyrdyńyz. Qazaqstandy álemniń damyǵan elderiniń qataryna jeteleıtin Sizdiń «Máńgilik el» ulttyq ıdeıańyzdy júzege asyrýdaǵy eleýli qadamdardyń biri - mádenıetpen tyǵyz baılanysty ekendigine basa kóńil bólýińiz, ult bolashaǵyna degen úlken janashyrlyǵyńyzdyń jarqyn dáleli bolyp otyr», - delingen hatta.
Óner akademııasynyń ujymy tól mádenıetimizdi álemniń barlyq qurlyqtaryna tanystyrý isine belsene aralasatyndyqtaryn málimdedi.
«Asa qurmetti Nursultan Ábishuly!
Siz el basqarý qyzmetindegi saıası-dıplomatııalyq ustanymdaryńyzdy, júıeli baǵdarlamalaryńyz ben iskerlik tájirıbeńizdi qazaq ultynyń bolashaǵyna arnap, Qazaqstan Respýblıkasynyń álemdik deńgeıde kórinýine zor úles qosýdasyz. Qashanda halqyńyzdyń qalaýlysy, elińizdiń eleýlisi bolyp el mártebesin asqaqtatý jolynda alda koıǵan maqsattaryńyzdyń júzege asýyna nıettestik bildiremiz! Sizge zor densaýlyq, baıandy baqyt, eńbegińizge jemis tileımiz!», - dep jazady óner ujymy.
