Elbasy maqalasy syn saǵatta halqymyzdyń erteńge senimin arttyrdy – rektor
Gúljan Dáýletbekqyzynyń aıtýynsha, Qazaqstan halqy osyndaı syn saǵatta moıymaı, birlik pen tatýlyqtyń shynaıy úlgisin kórsetip otyr.
«Elbasy maqalasynda álem halyqtaryn ábigerge túsirgen indettiń taralýyna baılanysty jurtshylyqty sabyrǵa shaqyryp, aq tileýin jetkizdi. Qaýipti derttiń aldyn alý baǵytynda elimiz álem elderiniń ishinen alǵashqylardyń biri bolyp pármendi sharalar qabyldady. Bul óz kezeginde koronavırýs ınfektsııasynyń el aýmaǵynda taralýyn qatań baqylaýda ustaýǵa múmkindik berip, otandastarymyzdyń densaýlyǵyn qorǵaý baǵytynda buryn-sońdy bolmaǵan aldyn alý keshendi is-sharalaryn utymdy uıymdastyrýǵa jaǵdaı jasaldy. Qaýip-qatermen betpe-bet kelgen Qazaqstan halqy osyndaı syn saǵatta ishki birligin kórsetip, ózara janashyrlyǵyn tanytyp otyr»,- deıdi ýnıversıtet rektory.
Onyń sózine sensek, bul maqala qıyn-qystaý kezeńde halyqtyń qıyndyqtarǵa moıymaı ótetinin pash etip, qalyptasyp otyrǵan jaǵdaı ońaı emes ekenin atap ótken.
«Elbasy osyndaı syn saǵatta halqymyzdyń tózimdiligi, erik-jigeri jáne ózine degen zor senimi arqasynda mindetti túrde jeńip shyǵatynymyzdy jetkizdi. Iá, mundaı qıyndyqtar rýhymyzdy shyńdaıdy. Elimizde budan buryn da talaı qıyndyqtar bolǵan, muny da el bolyp eńseremiz»,- deıdi Gúljan Súgirbaeva.
Foto: okmpi.kz
