Elbasy maqalasy ǵylymı zertteýge baǵyttaıdy - tarıh ǵylymdarynyń doktory
M.Áýezov atyndaǵy Ońtústik Qazaqstan memlekettik ýnıversıtetiniń rektory Darııa Qojamjarova atalǵan maqala arqyly Elbasy qazaq degen ulttyń halyqaralyq arenadaǵy ózindik ornynyń bar ekenin,tarıhı sahnada ótkeni men búgini jáne bolashaǵy zor ekenin atap ótedi dep otyr. Úshinshi myńjyldyqtaǵy kóppolıarly dúnıeniń damý joldarymenen tarıh taǵlymdary týraly oı qozǵalady, sol arqyly túp-tamyrymyzdy bilýge, ulttyq tarıhymyzǵa únilýge múmkindik beredi.
«Uly dalanyń jeti qyry» atty maqalasy adamnyń sanasyna oı salatyn, rýhanı baǵyttaýshy retinde qabyldaýymyzǵa bolady. Bir sózben búkil tarıhymyzdy qozǵaıtyn, kóptegen saýaldarǵa jaýap beretin tarıhı qujattama dep aıta alamyz. Máselen, maqalanyń ishinde jeti qyrynyń biri retinde ejelden kele jatqan sharýashylyǵymyzdy atap ótedi. Elimizge sińgen qadir qasıetterimiz, jeti atalyq rýhymyz aıtylady. Sonyń ishinde qannyń tazalyǵy jáne atqa miný tásili men mádenıeti, batyrdyń qyraǵy bolǵan júırikti nelikten sımvol retinde qoldanǵanymyz jazylǵan. Bul maqala tanymdyq saıasatqa úlken oı salatyn dúnıe dep túsinemin»,-deıdi professor Darııa Qojamjarova.
QR tarıh ǵylymdar akademııasynyń akademıgi sondaı-aq, Elbasy maqalasyn áli de ǵylymı aınalymǵa túsetin zertteý baǵyttary mol ekendigin basa aıtady.
«Maqalada qazaq etnosynyń ýaqyt keńistigindegi ult bolmysynyń máńgiligi, birtutastylyǵy aıtylady. Jalpy, qazaqstandyqtardyń patrıottyq sezimin oıatatyn, halqymyzdyń dúnıetanymynyń qúndylyqtaryń urpaqqa jetkizetin tarıhı sanany janǵyrtatyń ǵalymdarǵa sony oı tastaıtyn qujat dep qarastyrýymyz kerek. Qazir elimizdegi ǵalymdar osyǵan bet buryp, jastardy osy maqalany baǵyttaýshy, súıemeldeýshi retinde zerdeleý jumystaryn anyq bastaıtyn kez jetti dep oılaımyn. Osy maqalanyń negizinde ýnıversıtettegi ámbebap baǵyttar boıynsha ǵylymı-zertteý ortalyqtaryn ashyp, ǵylymı izdenister men arheologııalyq qazbalar, etnografııalyq zertteýler júrgizetin bolamyz», - deıdi tarıh ǵylymdarynyń doktory.
