Elbasy maqalasy 30 jyl qalyptasqan dástúrdiń jalǵasy - Beıbit Mamraev
«Birinshiden, bul maqalany 30 jyl boıy qalyptasqan dástúrdiń jalǵasy retinde qabyldaımyn. Sebebi Elbasy kez kelgen qıyn jaǵdaıda álemde oryn alyp otyrǵan ahýaldy qosa taldaı otyryp elimen suhbattasatyn dástúri bar. Ekinshiden, Elbasynyń mundaı dástúri barlyq ýaqytta da elge úmit beredi. Úshinshiden, memleket bıligindegi ınstıtýttarda, Úkimet bolsyn, Parlament bolsyn, ortalyq organdar men jergilikti bılikte bolsyn mundaı qıyndyqty júıeli jumyspen ǵana eńseretin tetik qalyptasqan. Mundaı tetik bolmaǵanda talaı qıyndyqqa tap bolar edik. Sondyqtan Elbasynyń óz oıymen bólisý arqyly jurtshylyqty sabyrlylyqqa shaqyrýy óte túsinikti bolyp shyqty», - dedi Májilis depýtaty.
Onyń atap ótýinshe, Elbasy maqalasyndaǵy eń basty túıin memlekettiń negizgi maqsaty adamdy jáne onyń densaýlyǵyn saqtaý ekendigine basa nazar aýdarý boldy.
«Elbasynyń Ulttyq qorymyzda 90 mlrd dollar qarajatymyz bar deýi de erteńge kúnge senimimizdi kúsheıte túsedi. Bul qor únemi tolyqtyrylyp otyrady. Sondyqtan memleket moınyna alǵan áleýmettik saıasatty júzege asyra beredi. ıAǵnı, zeınetaqy, shákirtaqy, járdemaqy, qazirgi ýaqytta myna álemdi jaılaǵan indetke baılanysty muqtaj azamattarǵa beriletin 42 500 teńge mólsherinde tólem ýaqtyly beriledi. Oǵan esh kúmán bolmaýy tıis», - dedi Beıbit Mamraev.
