Elbasy: Lańkestikke qarsy qyzmet tıimdiliginiń basty krıterııi - lańkestiktiń oryn almaýy
ASTANA. 30 qańtar. QazAqparat - Lańkestikke qarsy qyzmet tıimdiliginiń basty krıterııi - lańkestiktiń oryn almaýy. Búgin Aqordada QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótken keńeste Elbasy Nursultan Nazarbaev osylaı dedi.
Memleket basshysy óz sózinde taıaý ýaqytta lańkestik pen ekstremızm belgilerimen kúresti barynsha kúsheıtý qajettigin erekshe atap ótti. «Qazirgi ýaqytta meniń tapsyrmammen Ekstremızmge jáne lańkestikke qarsy turý jónindegi memlekettik baǵdarlama ázirlenýde. Ony tek dinı ekstremızm men lańkestik qaýiptermen baılanysty problemalarǵa ǵana aýdartý durys emes dep sanaımyn. Ol 5-6 jylǵa eseptelingen barynsha qoldanbaly qujat bolýy tıis. Lańkestikke qarsy qyzmet tıimdiliginiń basty krıterııi - lańkestiktiń oryn almaýy», - dedi N.Nazarbaev.
