Elbasy.kz saıtynyń qoldanýshylary qandaı braýzer paıdalanady

NUR-SULTAN. QazAqparat – QR Tuńǵysh Prezıdenti – Elbasy Nursultan Nazarbaevtyń baspasóz hatshysy Elbasy.kz saıtyna kirýshilerge qatysty qyzyqty statıstıka keltirdi, dep habarlaıdy QazAqparat.

«https://Elbasy.kz saıtyn qoldanýshylardyń 42,14% Windows operatsııalyq júıesin, 26,79% - Android, 10,10% – iOS paıdalanady. Braýzerler arasynda Chrome – 51,39%; Firefox – 7,86%, Opera – 1,77% qoldanady», - dep jazdy Aıdos Úkibaı Twitter paraqshasynda.

Sondaı-aq, ol saıt qoldanýshylarynyń geografııasyn da keltirip ótti.

«Resmı saıt qoldanýshylarynyń geografııasy: 64,77% – Azııa elderi (60% – Qazaqstan), 18,95% – Eýropa, 15,4% – Soltústik Amerıka elderi», - dep atap ótti Elbasynyń baspasóz hatshysy.

Eske salaıyq, Elbasy.kz saıty bıyl 3 shildede iske qosyldy.