Elbasy «Qyz Jibek» operasynyń premerasynda boldy
ASTANA. QazAqparat - Elbasy Nursultan Nazarbaev «Qyz Jibek» operasynyń premerasynda boldy, dep habarlaıdy Aqordanyń baspasóz qyzmeti.
Ulttyq altyn qordaǵy mura - E.Brýsılovskııdiń «Qyz Jibek» operasy Úlken zal sahnasynda qoıyldy.
Operanyń lıbrettosyn Jibek pen Tólegenniń tragedııalyq mahabbaty týraly halyqtyń osy attas lıro-epostyq poemasynyń jelisimen kórnekti dramatýrg ári jazýshy Ǵabıt Músirepov jazǵan. Áleýmettik jaǵdaıy árqıly eki rý ókiliniń tragedııalyq mahabbaty arqaý bolǵan jyr joldarynan kóshpeli qazaqtyń rýhanı ómiri, oıy men arman-muńy kórinis tabady.
Qoıylymnyń mýzykalyq jetekshisi jáne qoıýshy dırıjeri - Qazaqstannyń eńbek sińirgen qaıratkeri Abzal Muhıtdınov. Qoıýshy rejısseri - Mıhaıl Pandjavıdze (Belarýs).
