Elbasy Qytaıda Saýd Arabııasynyń murager hanzadasy Muhammed ben Salmanmen kezdesti

ASTANA. QazAqparat - Qazaqstan Prezıdenti Nursultan Nazarbaev Saýd Arabııasynyń murager hanzadasy Muhammed ben Salmanmen kezdesti, dep habarlaıdy Aqordanyń baspasóz qyzmeti.

Kezdesý barysynda Qazaqstan men Saýd Arabııasy seriktestiginiń birqatar negizgi baǵyttary boıynsha ózara is-qımyl máseleleri qarastyryldy. Taraptar túrli salalardaǵy ekijaqty yntymaqtastyqty odan ári nyǵaıtý úshin zor áleýet bar ekenin atap ótip, memleketaralyq baılanystardy jandandyrýǵa ýaǵdalasty.

Budan bólek, Nursultan Nazarbaev pen Muhammed ben Salman óńirlik jáne halyqaralyq kún tártibindegi ózekti máseleler jóninde pikir almasty.