Elbasy Qyrǵyzstandaǵy tártipsizdikter kezinde qaza tapqandardyń jaqyndary men týystaryna kóńil aıtty

dep habarlaıdy QazAqparat.

«Qyrǵyzstandaǵy oqıǵa kezinde 85 adam qaza tapty dep aıtyp jatyr, budan da kóp bolýy múmkin. Sondyqtan Qazaqstannyń atynan men bizge kórshi, baýyrlas qyrǵyz halqyna, qaza tapqan adamdardyń jaqyndary men týǵan -týystaryna kóńil aıtamyn», dedi N. Nazarbaev búgin Aqordadaǵy brıfıngte.

Elbasynyń aıtýynsha, Qurmanbek Bákıev eldiń ońtústigindegi óziniń jaqtastaryna arqa súıedi jáne onyń tóńireginde qarý-jaraqty adamdar boldy. «Alǵashqy áńgimemizde ol aqyr sońyna deıin kúresetinin aıtty. Bul jańa qantógisti bildiretin jaǵdaı edi. Mundaı jaǵdaıda Qyrǵyzstan azamattarynyń shyǵyny ulǵaıatyn edi», dedi N. Nazarbaev.