Elbasy: Qyrǵı-qabaq qaqtyǵystyń ekinshi nusqasy – ıdeologııa soǵysyna qaıta oralyp kelemiz
«Qaýipsizdik keńesiniń otyrysynda 2 mańyzdy máseleni qaraıyq dep otyrmyz. Birinshisi - 2021-2025 jyldarǵa arnalǵan Ulttyq qaýipsizdik strategııasynyń jobasy. Biz bir memleket, birtutas ult retinde betburys kezeńine kelip jettik. Bul ózgerister koronavırýs pandemııasynan týyndady. Dúnıejúzilik ekonomıkalyq forýmnyń boljamynsha, onyń áseri aldaǵy onjyldyqqa sozylýy múmkin. Pandemııa saldarynan álem jańa dáýirge aıaq basqanyn kórip otyrmyz. Sondyqtan elimizdiń aldynda múldem basqa synaqtar tur», - dedi otyrysta ashqan Elbasy.
Qazaqstannyń Tuńǵysh Prezıdenti tipti damyǵan elderdiń ózinde qoǵam men elıta bólinýi baıqalyp otyrǵandyǵyna basa nazar aýdartty.
«Álemde jáne tóńiregimizde ne bolyp jatqanyn qarańyzdar. Osy jyldyń ózinde postkeńestik keńistikte jappaı saıası tolqýlardy, memleketter arasyndaǵy, Ortalyq Azııadaǵy, barlyq úlken óńirlerdegi soǵysty kórdik. Tóńirektegi ahýal da turaqsyz. Tipti, damyǵan elderdiń ózderinde qoǵam men elıtanyń bólinýin baıqap otyrmyz. Sarapshylardyń baǵalaýynda, álem jańa bıpolıarlyqqa bara jatyr. Bul jaı ǵana jekelegen salalarda, básekelestik pen damý modelinde qatań kúresti bildiredi. Shyndap kelgende, biz qyrǵı-qabaq qaqtyǵystyń ekinshi nusqasy – ıdeologııa soǵysyna qaıta oralyp kelemiz. Biz mundaı jaǵdaıda osy jyldardyń ishinde negizin qalaǵan basymdyqtarymyzdy, syrtqy saıası teńgerimimizdi qalaı saqtap qalý kerektigin naqty túsinýimiz kerek», - dedi Nursultan Nazarbaev.
Eske salsaq, keshe Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń tóraǵalyǵymen Qaýipsizdik Keńesiniń otyrysy ótti.