Elbasy qurylys salasynda sáýlet-qurylys jumystaryn baqylaý fýnktsııasyn kúsheıtýdi tapsyrdy
ASTANA. 17 sáýir. QazAqparat /Qanat Mámetqazyuly/ - Búgin Úkimette ótken keńeste Memleket basshysy Nursultan Nazarbaev elimizdegi qurylys salasynda sáýlet-qurylys jumystarynyń baqylaý fýnktsııasyn kúsheıtýdi tapsyrdy.
«Ortalyq deńgeıinde sáýlet-qurylys baqylaý fýnktsııasyn nyǵaıtýymyz kerek. Lıtsenzııalaýdy da osylaı isteý kerek. Árıne, bir jerde lıtsenzııalaý bolýy kerek bolsa, endi bir jerden buny alyp tastap jatyrmyz. Áıtse de, bunda baıaǵy sekildi sanyn soǵyp aldanyp qalǵan úleskerlerdiń máselesin qaıta týǵyzbaý kerek. Qaı kompanııa salatynyn, onyń qandaı lıtsenzııasy bar ekendigin bilip otyrý mańyzdy. Búgingi kúni ákimdikter ózderi salady, ózderi sapasyn qadaǵalaıdy, sosyn ózderi sol nysandardy qabyldap alady. Árıne, sapasy durys bolsa, baqylaý joǵary bolsa buǵan eshkim de qarsy bolmas edi», - dedi Prezıdent.
