Elbasy: Kúrdeli kezeńge qaramastan halyqaralyq qarjy ınstıtýttary elimizge 9 mlrd. dollardyń resýrsyn ashyp otyr
ASTANA. QazAqparat - Qazirgideı kúrdeli kezeńge qaramastan, halyqaralyq qarjy ınstıýtttary Qazaqstanǵa 9 mlrd dollardyń resýrstaryn ashyp otyr. Búgin Astanadaǵy Táýelsizdik saraıynda Qazaqstan halqyna Joldaýyn jarııalaǵan Elbasy Nursultan Nazarbaev osylaı málimdedi.
Joldaý barysynda Elbasy Qazaqstannyń halyqaralyq baılanystaryna da toqtalyp ótti.
«Japonııa Premer-Mınıstriniń elimizge sapary ınvestıtsııalyq tehnologııalyq yntymaqtastyqty keńeıte túsedi. Bizge qazaqstandyq brendti damytýǵa alǵash ret «Toıota» kontserni qadam basyp otyr. Onyń ózi de halyqaralyq qarjy ınstıýttarynyń Qazaqstanǵa degen senimin bildiredi. Búgingideı kúrdeli zamanda, qarjy kózderi tarylyp turǵan kezeńde bizdiń jarııalaǵan baǵdarymyzǵa qoldaý retinde halyqaralyq qarjy ınstıýttary bizge 9 mlrd dollardyń resýrstaryna qoljetimdilikti ashyp otyr», - dedi N. Nazarbaev.
Bul rette Prezıdent Qazaqstannyń Eýropalyq Odaqpen yntymaqtastyq jáne áriptestikti tereńdetý týraly kelisimshart jasaǵanyn aıtyp ótti.
«Biz búkil álemmen ıadrolyq qarýdy taratpaý úshin birgemiz. Terrorızmmen, ekstremızmmen kúreste de birgemiz», - dedi sóz sońynda N. Nazarbaev.
