Elbasy: Quqyq qorǵaýshylardyń barlyǵy attestattaýdan ótedi
«Bizge polıtsııanyń jumysyn qatysty jańa talaptardy engizý kerek. Qyzmet babymen kóterilý júıesin de ózgertken jón. Al mamandardy irikteýdi polıtsııa akademııalary arqyly júrgizý qajet. Quqyq qorǵaýshylardyń barlyǵy qaıta attestattaýdan ótýi tıis. Osy jumysta úzdikter ǵana qalýy qajet. Al attestattaýdan ótpegender ketýi kerek. Attestattaýdan keıin adam jetispeı jatsa, basqalardy alýǵa bolady», - dedi N. Nazarbaev Joldaýdy jarııalaý rásiminde.
Osy oraıda Memleket basshysy halyqtyń polıtsııaǵa qatysty pikirin ózgertý qajettigin jetkizdi. Quqyq qorǵaýshy jazalaýshy emes, qıyn jaǵdaıda kómek beretin adam retinde óz abyroıyn kóterýi shart. Prezıdent quqyq qorǵaý salasyn reformalaýdyń naqty josparyn ázirleýdi tapsyrdy.
Aıta keteıik, aldaǵy ýaqytta polıtseılerdiń jalaqysy kóteriledi. Budan bólek, quqyqqorǵaýshylardy daıarlaý 5 jyldan 6 aıǵa qysqarýy múmkin.
