Elbasy: Qýandyq Bıshimbaevty oqytyp, oǵan úmit artqan edik

ASTANA. QazAqparat - Búgin Úkimettiń keńeıtilgen májilisinde Elbasy Nursultan Nazarbaev sońǵy kezde laýazym ıeleri tergelip jatqan qylmystyq isterge qatysty pikir bildirdi, dep habarlaıdy QazAqparat.

«Tek sońǵy eki jylda qylmystyq jaýapkershilikke 2 200 laýazym ıeleri tartylǵan. Olardyń arasynda mınıstrler, barlyq deńgeıdegi ákimder, vedomstvo basshylary bar. Qazirgi kezde sotta Ulttyq ekonomıka mınıstrliginiń eks-basshysyna qatysty qylmystyq is qaralyp jatyr. Shynyn aıtsam, Qýandyq Bıshimbaevqa aıanyshpen qaraımyn. Ony «Bolashaqpen» oqytyp, úmit arttyq. Árıne, ókinishti. Bilikti mamandy daıarlaýǵa qyrýar ýaqytty, qarjyny jumsaımyz»,- dedi Elbasy.

Sonymen qatar Prezıdent Investıtsııalar jáne damý mınıstrligi Geologııa komıtetiniń tóraǵasyna, Densaýlyq saqtaý mınıstrligi Farmatsııa komıtetiniń tóraǵasyna qatysty sotqa deıingi tergeý júrip jatqanyn eske salyp ótti

«Farmatsııanyń respýblıkalyq qurylymy osy jyldar boıy farmatsevtıkalyq kásiporyndardyń qurylysyna jol bermeı kelgen», -dedi N. Nazarbaev.