Elbasy QR Joǵary Sot Keńesiniń qyzmetin jetildirý sharalary týraly Jarlyqqa qol qoıdy

****

Qazaqstan Respýblıkasy Prezıdentiniń Jarlyǵy №137

Qazaqstan Respýblıkasy Joǵary Sot Keńesiniń qyzmetin jetildirý sharalary týraly

«Qazaqstan Respýblıkasynyń Joǵary Sot Keńesi týraly» Qazaqstan Respýblıkasy Zańynyń 1-babynyń 3, 7-tarmaqtaryna sáıkes qaýly etemin:

1. «Qazaqstan Respýblıkasy Joǵary Sot Keńesiniń apparaty» memlekettik mekemesi qurylsyn. 2. Qosa berilip otyrǵan: 1) Qazaqstan Respýblıkasy Joǵary Sot Keńesiniń apparaty (budan ári - Apparat) týraly ereje; 2) Apparattyń qurylymy; 3) Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar bekitilsin. 3. Qazaqstan Respýblıkasynyń Úkimeti Qazaqstan Respýblıkasy Prezıdentiniń Ákimshiligimen, Qazaqstan Respýblıkasynyń Prezıdenti Іs basqarmasymen, Qazaqstan Respýblıkasynyń Joǵary Sot Keńesimen jáne Qazaqstan Respýblıkasynyń Joǵarǵy Sotymen birlesip, osy Jarlyqtan týyndaıtyn ózge de sharalardy qabyldasyn. 4. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin. 5. Osy Jarlyq 2016 jylǵy 1 qańtardan bastap qoldanysqa engiziledi.

Qazaqstan Respýblıkasynyń Prezıdenti N.NAZARBAEV

Astana, Aqorda, 2015 jylǵy 23 jeltoqsan №137

Qazaqstan Respýblıkasy Prezıdentiniń 2015 jylǵy 23 jeltoqsandaǵy №137 Jarlyǵymen bekitilgen

Qazaqstan Respýblıkasy Joǵary Sot Keńesiniń apparaty týraly EREJE

1. Jalpy erejeler 1. Qazaqstan Respýblıkasy Joǵary Sot Keńesiniń apparaty (budan ári - Apparat) Qazaqstan Respýblıkasy Joǵary Sot Keńesiniń (budan ári - Keńes) qyzmetin aqparattyq-taldamalyq, uıymdyq-quqyqtyq, materıaldyq-tehnıkalyq qamtamasyz etýdi júzege asyratyn memlekettik organ bolyp tabylady. 2. Apparat óz qyzmetin Qazaqstan Respýblıkasynyń Kons­tıtýtsııasyna, «Qazaqstan Respýblıkasynyń sot júıesi men sýdıalarynyń mártebesi týraly» Qazaqstan Respýblıkasynyń Konstıtýtsııalyq zańyna, «Qazaqstan Respýblıkasynyń Joǵary Sot Keńesi týraly» Qazaqstan Respýblıkasynyń Zańyna, Qazaqstan Respýblıkasynyń Prezıdenti men Úkimetiniń akti­lerine, osy Erejege, sondaı-aq ózge de normatıvtik quqyqtyq aktilerge sáıkes júzege asyrady. 3. Apparat memlekettik mekemeniń uıymdyq-quqyqtyq ny­sanyndaǵy zańdy tulǵa bolyp tabylady, onyń memlekettik tilde óz ataýy bar mórleri men mórtańbalary, belgilengen úlgidegi blankileri, sondaı-aq Qazaqstan Respýblıkasynyń zańnamasyna sáıkes qazynashylyq organdarynda shottary bolady. 4. Apparat azamattyq-quqyqtyq qatynastarǵa óz atynan túsedi. 5. Apparatqa Qazaqstan Respýblıkasynyń zańnamasyna sáıkes ýákilettik berilse, onyń memleket atynan azamattyq-quqyqtyq qatynastardyń tarapy bolýǵa quqyǵy bar. 6. Apparat basshysy óz quzyretine jatqyzylǵan máseleler boıynsha ókim shyǵarady. 7. Apparattyń qurylymyn jáne jalpy shtat sanyn Qazaqstan Respýblıkasynyń Prezıdenti bekitedi. 8. Apparattyń zańdy mekenjaıy: 010000, Astana qalasy, sol jaǵalaý, Orynbor kóshesi, № 8 úı, 1V-kireberis, «Mınıstrlikter úıi» ákimshilik ǵımaraty. 9. Apparattyń tolyq ataýy - «Qazaqstan Respýblıkasy Joǵary Sot Keńesiniń apparaty» memlekettik mekemesi. 10. Osy Ereje Apparattyń quryltaı qujaty bolyp tabylady. 11. Apparattyń qyzmetin qarjylandyrý respýblıkalyq bıýdjetten júzege asyrylady. 12. Apparatqa óziniń fýnktsııalary bolyp tabylatyn min­detterdi oryndaý jóninde kásipkerlik sýbektilerimen sharttyq qatynastarǵa túsýine tyıym salynady.

2. Apparattyń mıssııasy, negizgi mindetteri, fýnktsııalary, quqyqtary men mindetteri 13. Apparattyń mıssııasy Keńestiń qyzmeti úshin jaǵdaı jasaý bolyp tabylady. 14. Apparattyń negizgi mindeti Keńestiń qyzmetin aqparattyq-taldamalyq, uıymdyq-quqyqtyq, materıaldyq-tehnıkalyq qamtamasyz etý bolyp tabylady. 15. Fýnktsııalary: 1) Keńestiń ókilettigin qozǵaıtyn máseleler boıynsha Tór­aǵany jáne Keńes múshelerin aqparattyq-taldamalyq, uıymdyq-quqyqtyq qamtamasyz etý; 2) Keńestiń qyzmetin materıaldyq-tehnıkalyq qamtamasyz etý; 3) zańnamaǵa sáıkes Keńes janyndaǵy Biliktilik komıssııasynyń qyzmetin qarjylyq jáne materıaldyq-tehnıkalyq qamtamasyz etý jónindegi sharalardy júzege asyrý; 4) Qazaqstan Respýblıkasynyń Prezıdentine Keńestiń jumysy jáne sot júıesindegi kadr jumysynyń jaı-kúıi týraly aqparat daıyndaý; 5) Keńestiń otyrystaryn daıyndaýdy qamtamasyz etý; 6) Keńes qabyldaǵan sheshimderdiń oryndalýyn qamtamasyz etý (baqylaý); 7) Keńestiń jergilikti nemese basqa sottyń, Joǵarǵy Sottyń sýdıasynyń, sondaı-aq aýdandyq jáne oǵan teńestirilgen sot tór­aǵasynyń bos ornyna ornalasýǵa konkýrstyq irikteýdi ótkizýin uıymdastyrý; 8) jergilikti nemese basqa sottyń, Joǵarǵy Sottyń sýdıasynyń, sondaı-aq aýdandyq jáne oǵan teńestirilgen sot tóraǵasynyń bos ornyna ornalasýǵa arnalǵan konkýrsqa qatysatyn adamdardyń qujattaryn qoıylǵan talaptarǵa sáıkes kelý mánine aldyn ala qaraý; 9) Keńestiń qaraýyna shyǵarylatyn uıymdyq-kadrlyq jáne basqa da máseleler boıynsha taldamalyq jáne ózge de materıal­dardy daıyndaý; 10) jergilikti jáne basqa da sottardyń tóraǵalary men alqa tóraǵalaryn, sýdıalaryn laýazymǵa taǵaıyndaý jáne laýazymnan bosatý týraly jarlyqtardyń jobalaryn ázirleý; 11) sot júıesin jetildirý jónindegi usynystardy tujyrymdaý; 12) sottarda taǵylymdamadan ótken jáne oblystyq jáne oǵan teńestirilgen sottardyń jalpy otyrystarynyń qorytyndylaryn alǵan adamdardyń, sondaı-aq mamandandyrylǵan magıstratýrany aıaqtaǵan adamdardyń esebin júrgizý boıynsha Keńestiń ókilettikterin qamtamasyz etý; 13) sýdıalardyń elektrondyq derbes esebin júrgizý boıynsha Keńestiń ókilettikterin qamtamasyz etý; 14) Keńestiń basqa da memlekettik organdarmen, basqa mem­leketterdiń organdarymen jáne halyqaralyq uıymdarmen ózara is-qımylyn qamtamasyz etý; 15) jeke jáne zańdy tulǵalardyń ótinishterin qaraý; 16) Apparatqa Qazaqstan Respýblıkasynyń zańnamasynda júktelgen ózge de fýnktsııalardy júzege asyrý. 16. Quqyqtary men mindetteri: 1) memlekettik organdardan jáne laýazymdy adamdardan, uıymdardan jáne azamattardan qajetti qujattar men materıaldardy belgilengen tártippen suratý; 2) memlekettik organdardyń aqparattyq derekqoryn belgi­len­gen tártippen paıdalaný; 3) Apparatqa júktelgen mindetter men fýnktsııalardyń iske asyrylýyn qamtamasyz etý; 4) sybaılas jemqorlyqqa qarsy is-qımyl jasaý boıynsha jumysty qamtamasyz etý; 5) Qazaqstan Respýblıkasynyń zańnamasyn saqtaý; 6) Qazaqstan Respýblıkasynyń zańnamasynda kózdelgen ózge de quqyqtar men mindetterdi júzege asyrý.

3. Apparattyń qyzmetin uıymdastyrý 17. Apparatqa basshylyqty basshy júzege asyrady, ol Apparatqa júktelgen mindetterdiń oryndalýy jáne onyń óz fýnktsııalaryn júzege asyrýy úshin derbes jaýapty bolady. 18. Apparat basshysyn Qazaqstan Respýblıkasynyń Prezıdenti laýazymǵa taǵaıyndaıdy jáne laýazymnan bosatady. 19. Apparat basshysynyń orynbasarlary bolmaıdy. 20. Apparat basshysynyń ókilettikteri: 1) Keńes apparatynyń qyzmetin uıymdastyrady; 2) Keńes músheleriniń usynysy boıynsha aldaǵy otyrystyń qaraýyna engiziletin máselelerdiń tizbesin qalyptastyrady jáne bul týraly Tóraǵaǵa kúni buryn baıandaıdy; 3) otyrys hattamalarynyń, Keńes qabyldaǵan usynymdardyń, qorytyndylar men hattamalyq sheshimderdiń úzindi kóshirmelerine qolyn qoıyp rastaıdy; 4) qajet bolǵan kezde tekserýler uıymdastyrady; 5) Keńes otyrysyna shaqyrylatyn adamdardyń tizimin aıqyndaıdy jáne olardyń kelýin qamtamasyz etedi; 6) Tóraǵanyń ókimderin jáne Keńestiń sheshimderin oryndaıdy; 7) Keńes apparatyna basshylyqty júzege asyrady: onyń bólimsheleriniń jumysyn uıymdastyrady, úılestiredi jáne baqylaıdy; 8) Keńes apparatynyń qyzmetin aqparattyq-taldamalyq, uıym­dastyrýshylyq-quqyqtyq, materıaldyq-tehnıkalyq jáne qar­jylyq qamtamasyz etýdi uıymdastyrady; 9) Keńes Tóraǵasymen kelisý boıynsha apparattyń qurylymdyq bólimsheleri týraly erejelerdi bekitedi; 10) Keńes apparatynda atqarýshylyq jáne eńbek tártibiniń saqtalýyn baqylaıdy; 11) Keńestiń memlekettik satyp alý salasyna basshylyqty júzege asyrady, onyń ishinde tólem shottaryna qol qoıady; 12) Keńes qyzmetin materıaldyq-tehnıkalyq qamtamasyz etý boıynsha memlekettik satyp alýdyń ótkizilýin uıymdastyrady jáne oǵan jaýap beredi; 13) Qazaqstan Respýblıkasynyń zańnamasynda belgilengen tártippen Keńes apparaty qurylymdyq bólimsheleriniń basshylaryn laýazymǵa taǵaıyndaıdy jáne laýazymynan bosatady; 14) Qazaqstan Respýblıkasynyń zańnamasynda belgilengen tártippen Keńes apparatynyń jumyskerlerin laýazymǵa taǵaıyndaıdy jáne laýazymynan bosatady; 15) Apparattyń qurylymdyq bólimsheleri basshylarynyń jáne qyzmetkerleriniń laýazymdyq nusqaýlyqtaryn bekitedi; 16) Keńes apparatynyń jumyskerlerin issaparǵa jiberý, demalystar berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústemeaqylar tóleý men syılyqaqy berý máselelerin sheshedi; 17) eńbek qatynastary máseleleri joǵary turǵan memlekettik organdar men laýazymdy adamdardyń quzyretine jatqyzylǵan jumyskerlerdi qospaǵanda, Keńes apparaty jumyskerleriniń tártiptik jaýaptylyǵy máselelerin sheshedi; 18) bıýdjettik ótinimdi daıyndaýdy, bıýdjettik ótinimdi Keńes Tóraǵasyna usynýdy, sondaı-aq bıýdjettik protsestiń ózge de rásimderin oryndaýdy qamtamasyz etedi; 19) Keńestiń organyn qarjylandyrý josparlaryn jáne qarjylyq eseptiligin ázirleýdi qamtamasyz etedi jáne bekitedi; 20) óz quzyreti sheginde memlekettik organdarmen jáne ózge de uıymdarmen ózara qarym-qatynastarda Keńes atynan ókildik etedi; 21) Qazaqstan Respýblıkasynyń sybaılas jemqorlyqqa qarsy is-qımyl týraly zańnamasy talaptarynyń oryndalýyn óz quzyreti sheginde qamtamasyz etedi; 22) Keńes jumysynyń uıymdastyrylýyn jaqsartýǵa baǵyt­talǵan sharalardy qoldanady, Keńes sheshimderiniń oryndalýyn baqylaýdy júzege asyrady; 23) jeke jáne zańdy tulǵalardyń ótinishterimen jumysty uıymdastyrady; 24) Qazaqstan Respýblıkasynyń zańnamasynda kózdelgen ózge de uıymdastyrýshylyq-ókimdik fýnktsııalardy oryndaıdy. Apparat basshysy bolmaǵan kezeńde onyń ókilettikterin oryndaýdy qoldanystaǵy zańnamaǵa sáıkes Keńes Apparaty jumyskerleriniń bireýi júzege asyrady.

4. Apparattyń múlki 21. Zańnamada kózdelgen jaǵdaılarda Apparattyń jedel basqarý quqyǵynda oqshaýlanǵan múlki bolady. Apparattyń múlki oǵan menshik ıesi bergen múlik esebinen qalyptastyrylady. 22. Apparatqa bekitilgen múlik respýblıkalyq menshikke jatady. 24. Eger zańnamada ózgeshe belgilenbese, Apparat ózine bekitilgen múlikti jáne qarjylandyrý jospary boıynsha ózine berilgen qarajat esebinen satyp alynǵan múlikti óz betimen ıelik­ten shyǵarýǵa nemese oǵan ózge de tásilmen bılik etýge quqyly emes.

5. Apparatty qaıta uıymdastyrý jáne taratý 25. Apparatty qaıta uıymdastyrý jáne taratý Qazaqstan Respýb­lıkasynyń zańnamasyna sáıkes júzege asyrylady.

Qazaqstan Respýblıkasy Prezıdentiniń 2015 jylǵy 23 jeltoqsandaǵy № 137 Jarlyǵymen bekitilgen

Qazaqstan Respýblıkasynyń Joǵary Sot Keńesi apparatynyń QURYLYMY

Joǵary Sot Keńesiniń hatshysy - basshy Qazaqstan Respýblıkasy Joǵary Sot Keńesiniń janyndaǵy Biliktilik komıssııasynyń qyzmetin qamtamasyz etý bólimi Qazaqstan Respýblıkasy Joǵary Sot Keńesiniń qyzmetin qamtamasyz etý bólimi Uıymdastyrý bólimi

Qazaqstan Respýblıkasy Prezıdentiniń 2015 jylǵy 23 jeltoqsandaǵy №137 Jarlyǵymen bekitilgen

Qazaqstan Respýblıkasy Prezıdentiniń keıbir jarlyqtaryna engiziletin ózgerister men tolyqtyrýlar

1. «Qazaqstan Respýblıkasynyń memlekettik organdary júıesin odan ári ońtaılandyrý jónindegi sharalar týraly» Qazaqstan Respýblıkasy Prezıdentiniń 1999 jylǵy 22 qańtardaǵy № 29 Jarlyǵyna (Qazaqstan Respýblıkasynyń PÚAJ-y, 1999 j., № 1, 2-qujat): joǵaryda atalǵan Jarlyqqa 1-qosymshada: « Qazaqstan Respýblıkasy Konstıtýtsııalyq Keńesiniń apparaty 25 »

degen joldan keıin mynadaı mazmundaǵy jolmen tolyq­tyrylsyn: « Qazaqstan Respýblıkasy Joǵary Sot Keńesiniń apparaty 13 ».

2. «Memlekettik bılik organdary júıesindegi kadr saıasatynyń keıbir máseleleri týraly» Qazaqstan Respýblıkasy Prezıdentiniń 2002 jylǵy 29 naýryzdaǵy № 828 Jarlyǵyna (Qazaqstan Respýblıkasynyń PÚAJ-y, 2004 j., № 17, 212-qujat): joǵaryda atalǵan Jarlyqpen bekitilgen Memlekettik saıa­sı qyzmetshiler laýazymdarynyń jáne Qazaqstan Respýb­lıka­synyń Prezıdenti taǵaıyndaıtyn nemese onyń kelisýimen ta­ǵaıyndalatyn, onyń usynýy boıynsha saılanatyn, sondaı-aq Qazaqstan Respýblıkasy Prezıdenti Ákimshiliginiń kelisimi boıynsha taǵaıyndalatyn ózge de basshy laýazymdy adamdardyń tizbesinde: « Respýblıkalyq bıýdjettiń atqarylýyn baqylaý jónindegi esep komıteti apparatynyń basshysy Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Ákimshilik Basshysy » degen joldan keıin mynadaı mazmundaǵy jolmen tolyq­tyrylsyn: « Joǵary Sot Keńesiniń hatshysy -Apparat basshysy Prezıdent Ákimshilik Basshysy

»;

joǵaryda atalǵan Jarlyqpen bekitilgen Qazaqstan Respýb­lıkasynyń memlekettik saıası qyzmetshilerin jáne ózge de laýazymdy tulǵalaryn kelisý, qyzmetke taǵaıyndaý jáne qyzmetten bosatý tártibi týraly erejede: 21-tarmaqta: úshinshi abzats mynadaı redaktsııada jazylsyn: «Qazaqstan Respýblıkasy Joǵarǵy Soty janyndaǵy Sottar­dyń qyzmetin qamtamasyz etý departamentiniń (Qazaqstan Respýblıkasy Joǵarǵy Soty apparatynyń) basshysy, onyń orynbasarlary.»; mynadaı mazmundaǵy tórtinshi abzatspen tolyqtyrylsyn: «Joǵary Sot Keńesiniń hatshysy - Apparat basshysy.». 3. «Qazaqstan Respýblıkasynyń memlekettik bıýdjeti jáne Ulttyq Bankiniń smetasy (bıýdjeti) esebinen qamtylǵan Qazaq­stan Respýblıkasy organdary qyzmetkerlerine eńbekaqy tóleýdiń biryńǵaı júıesi týraly» Qazaqstan Respýblıkasy Prezıdentiniń 2004 jylǵy 17 qańtardaǵy № 1284 Jarlyǵyna (Qazaqstan Respýblıkasynyń PÚAJ-y, 2004 j., № 19, 234-qujat) («Qyzmet babynda paıdalaný úshin» belgisimen). 4. «Qazaqstan Respýblıkasy Prezıdenti Ákimshiliginiń shtat sany men qurylymy týraly» Qazaqstan Respýblıkasy Prezı­dentiniń 2008 jylǵy 11 aqpandaǵy № 533 Jarlyǵyna (Qazaqstan Respýblıkasynyń PÚAJ-y, 2008 j., № 5, 52-qujat): 1-tarmaqtaǵy «369» tsıfrlary «368» tsıfrlarymen aýystyrylsyn; joǵaryda atalǵan Jarlyqpen bekitilgen Qazaqstan Respýb­lıkasy Prezıdenti Ákimshiliginiń qurylymynda: tórtinshi jol alyp tastalsyn. 5. «Qazaqstan Respýblıkasy Prezıdentiniń Ákimshiligi týraly erejeni bekitý týraly» Qazaqstan Respýblıkasy Prezıdentiniń 2008 jylǵy 11 naýryzdaǵy № 552 Jarlyǵyna (Qazaqstan Respýblıkasynyń PÚAJ-y, 2008 j., № 12-13, 116-qujat): joǵaryda atalǵan Jarlyqpen bekitilgen Qazaqstan Respýb­lıkasy Prezıdentiniń Ákimshiligi týraly erejede: 9-tarmaqtyń 2) tarmaqshasy mynadaı redaktsııada jazylsyn: «2) Qazaqstan Respýblıkasy Memlekettik hatshysynyń (budan ári - Memlekettik hatshy), Qazaqstan halqy Assambleıasynyń jáne Prezıdent janyndaǵy konsýltatıvtik-keńesshi organdardyń qyzmetin qamtamasyz etý;»; 22-tarmaqtyń 15) tarmaqshasy mynadaı redaktsııada jazylsyn: «15) Memlekettik hatshynyń, Qazaqstan halqy Assam­bleıa­synyń, Prezıdent janyndaǵy konsýltatıvtik-keńesshi organdardyń qyzmetin aqparattyq-taldamalyq, uıymdastyrý jáne qujattamalyq qamtamasyz etýdi, olardyń sheshimderiniń oryndalýyna baqylaýdy júzege asyrady;»; 23-tarmaq mynadaı redaktsııada jazylsyn: «23. Ákimshiliktiń qurylymyna Qazaqstan Respýblıkasy Prezıdenti Ákimshiliginiń Basshysy (budan ári - Ákimshilik Basshysy), Qazaqstan Respýblıkasy Qaýipsizdik Keńesiniń hatshysy, Ákimshilik Basshysynyń orynbasarlary, Qazaqstan Respýblıkasy Prezıdentiniń kómekshileri, Qazaqstan Respýblıkasy Prezıdenti Keńsesiniń bastyǵy, Qazaqstan Respýblıkasy Prezıdentiniń keńesshileri, Ákimshiliktiń qurylymdyq bólimsheleriniń basshylary men ózge de qyzmetkerleri kiredi.». 24-tarmaqtyń 18) tarmaqshasy mynadaı redaktsııada jazylsyn: «18) turaqty negizde Ákimshiliktiń Parlamentpen, onyń Palatalarymen, Parlament Palatalarynyń jumys organdarymen jáne apparattarymen; Úkimetpen jáne Premer-Mınıstr Keńsesimen; mınıstrliktermen jáne ózge de ortalyq atqarýshy organdarmen; Konstıtýtsııalyq Keńespen; Joǵarǵy Sotpen; Joǵary Sot Keńesimen, Prezıdentke tikeleı baǵynatyn jáne esep beretin memlekettik organdarmen; oblystardyń, respýblıkalyq mańyzy bar qalalardyń jáne astananyń ákimderimen, máslıhattarymen; saıası partııalarmen jáne ózge de qoǵamdyq birlestiktermen; buqaralyq aqparat quraldarymen; jeke jáne zańdy tulǵalarmen baılanysyn qamtamasyz etedi;»; 32-tarmaqta: 1) tarmaqsha mynadaı mazmundaǵy jetinshi abzatspen tolyq­tyrylsyn: «Qazaqstan Respýblıkasynyń Joǵary Sot Keńesine sýdıa laýazymyna kandıdattardy irikteýmen baılanysty emes máseleler boıynsha;»; úshinshi bólik mynadaı redaktsııada jazylsyn: «Osy tarmaqtyń 1) tarmaqshasynyń ekinshi abzatsyn qospaǵanda, 1), 2), 3), 4), 5), 6) jáne 7) tarmaqshalarynda kózdelgen ókilettikterge: Ákimshilik Basshysynyń orynbasarlary, Qaýipsizdik Keńesiniń hatshysy, Prezıdenttiń kómekshileri, Prezıdent Keńsesiniń bastyǵy, Prezıdenttiń keńesshileri ıe bolady.». 6. «Qazaqstan Respýblıkasy Joǵarǵy Sotynyń sany týraly» Qazaqstan Respýblıkasy Prezıdentiniń 1997 jylǵy 8 qańtardaǵy № 3315 jáne «Qazaqstan Respýblıkasynyń memlekettik organdary júıesin odan ári ońtaılandyrý jónindegi sharalar týraly» 1999 jylǵy 22 qańtardaǵy № 29 jarlyqtaryna ózgerister engizý týraly: joǵaryda atalǵan Jarlyqtyń 2) tarmaqshasynyń 1-tarmaǵynda: mynadaı jol: «Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty), onyń ishinde: oblystardaǵy, astanadaǵy jáne respýblıkalyq mańyzy bar qalalardaǵy aýmaqtyq organdar (sot keńseleri) mynadaı redaktsııada jazylsyn:

«Qazaqstan Respýblıkasy Joǵarǵy Soty janyndaǵy Sottardyń qyzmetin qamtamasyz etý departamenti (Qazaqstan Respýblıkasy Joǵarǵy Sotynyń apparaty), onyń ishinde: oblystardaǵy, astanadaǵy jáne respýblıkalyq mańyzy bar qalalardaǵy aýmaqtyq organdar (sot keńseleri) 6221 5993».