Elbasy Qorǵanys mınıstrligine Qarýly kúshter múmkinshiliginiń barlyq arsenalyn taǵy bir márte saralaýdy tapsyrdy

ASTANA. 30 qańtar. QazAqparat - Búgin Aqordada Elbasy Nursultan Nazarbaev QR Qorǵanys mınıstrligine Qarýly kúshter múmkinshiliginiń barlyq arsenalyn taǵy bir márte saralaýdy tapsyrdy. Atalǵan mindetti Memleket basshysy Aqordada QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótken keńeste júktedi.

QR Prezıdenti syn-qaterlerdi eskere otyryp, memleket, qoǵam jáne azamattardyń qaýipsizdigin qamtamasyz etýdegi Qarýly Kúshterdiń rólin kúsheıtý mańyzdylyǵyn basa aıtty. Osy rette Elbasy Qorǵanys mınıstrligine Qazaqstannyń ishki ahýalyn turaqsyzdandyrý áreketterine qarsy turý úshin paıdalanýǵa bolatyn Qarýly kúshter múmkinshiliginiń barlyq arsenalyn taǵy bir márte saralaýdy tapsyrdy.