Elbasy Koreıa Respýblıkasynyń burynǵy prezıdenti Lı Men Bakpen kezdesti

ASTANA. QazAqparat - Memleket basshysy Koreıa Respýblıkasynyń burynǵy prezıdenti Lı Men Bakpen kezdesti, dep habarlady búgin Aqordanyń baspasóz qyzmeti.

Nursultan Nazarbaev Koreıa Respýblıkasynyń burynǵy prezıdenti Qazaqstanǵa kelip otyrǵanyna qýanyshty ekenin aıtyp, oǵan «EKSPO-2017» halyqaralyq kórmesinde Koreıa Respýblıkasy pavılonynyń ashylý rásimine qatysqany úshin rızashylyq bildirdi,

«Siz Koreıa Respýblıkasynyń Prezıdenti bolǵan kezde elderimizdiń yntymaqtastyǵy strategııalyq deńgeıge kóterildi. Sol nátıjege qol jetkizý úshin kóptegen jumys atqaryldy», - dedi Qazaqstan Prezıdenti.

Áńgimelesý barysynda taraptar Qazaqstan men Koreıa qarym-qatynastaryn odan ári damytýdyń máselelerin qarastyryp, onyń aıasyn keńeıtý qajettigin atap ótti.