Elbasy kóptiń kókeıinde júrgen máselelerdi ulttyq múddemizdiń turǵysynda aıshyqtady - Q.Sultanov
«Búgin Elbasy tarıhty tereńnen qozǵap, bizdiń qazaq memlekettiligimizdiń óziniń túbiri kúshtiligin, tamyry tereńdigin, onyń memlekettik qabiletiniń, qasıetiniń, ejelden nár alatyn tarıhynyń ornyn erekshe atap óte otyryp, bolashaqqa, máńgilik elge qaı jolmen kele jatqanymyzdy aıǵaqtap ashyp berdi», - deıdi depýtat.
«Elbasy bizdiń sıpatymyz, bizdiń minezdememiz - Uly dala memleketi ekenin taǵy bir atap ótti. Óıtkeni biz osy dalada bolǵan birneshe dáýirlerdegi memleketterdiń muragerlerimiz. Bizdiń shekaramyz alǵash ret bekitildi. Prezıdentimizdiń eń alǵash qolǵa alǵan qadamdarynyń biri - bizdiń shekaramyzdy anyqtaý. Bizdiń tóńiregimizde Qytaı, Reseı ımperııalary bar, ońtústigimizde Ózbekstan, Túrkimenstan, Qyrǵyzstan - solardyń barlyǵymen 14 myńnan astam shekaramyz kelisildi. Bul - bizdiń memlekettik kelbetimizdi qalyptastyra tústi», - dep atap ótti ol.
«Biz qandaı jaǵdaıda Máńgilik el bolamyz, Nursultan Nazarbaev búgingi sózinde sony meılinshe ashyp berdi. Ol óziniń baıandamasynda kóptiń kókeıinde júrgen máselelerdi ulttyq múddemizdiń turǵysynda aıshyqtap, soǵan halyqtyń rýhyn jınaqtady. ıAǵnı, biz óz memleketimizdiń, urpaǵymyzdyń bolashaǵyn oılasaq, soǵan jumylyp, osy jańa zamanda shet qalmaı, tehnologııalyq jańalyqtardan qalys qalmaı, basqa elder sııaqty damýdyń jolynda bolýymyz kerek. Sol sebepti bizge ǵana emes, jastarǵa da úlken mindet júkteledi», - dep túıdi sózin Q.Sultanov.
