Elbasy «kóleńkeli ekonomıkamen» kúres qarqynyn synǵa aldy
ASTANA. 11 qazan. QazAqparat - Búgin Aqordada ótip jatqan Úkimettiń keńeıtilgen otyrysynda Elbasy Nursultan Nazarbaev «Kóleńkeli ekonomıkamen» kúres boıynsha jumystardyń qarqynyn synǵa aldy.
«Kóleńkeli ekonomıka» boıynsha kóp aıtyldy, osy baǵyttaǵy jumystar sozylyp barady. Bul turǵyda tıisti jumystar qabyldansa da, ony oryndaýdyń dınamıkasy joq. Men alkogol aınalymyna qadaǵalaýdy kúsheıtý týraly naqty tapsyrma bergen bolatynmyn. Osy oraıda arnaıy zań jobasy ázirlendi. Alaıda bul zań jobasyn engizý 2015 jylǵa keıinge qaldyrylǵan», - dep qadaı aıtty Memleket basshysy.
Prezıdent Qazaqstan búginde alkogoldi paıdalaný boıynsha álemde aldyńǵy oryndardyń birinde ekenin aıta kele, maskúnemdikpen kúres baǵytynda alkogoldik ishimdikterge álemdik tájirıbege sáıkes baǵa men salyqty arttyrý kerektigin, sondaı-aq satý orny men ýaqytyn barlyq jerde shekteý kerektigin aıtty.
