Elbasy kitaphanasynyń qory belarýstiń qundy qoljazbalarymen tolyqty
Qundy tarıhı murany kitaphanaǵa Qazaqstandaǵy Belarýs Respýblıkasynyń Tótenshe jáne Ókiletti elshisi Anatolıı Nıchkasov tabys etti.
Kitaphanaǵa tarıhı murany tabystaý rásimi Qazaqstan Respýblıkasy men Belarýs Repsýblıkasy arasyndaǵy dıplomatııalyq qarym-qatynastyń 25 jyl tolýyna oraı ótkizilip otyr. Y ǵasyr burynǵy kitaptar jınaǵy Belarýstyń Ulttyq kitaphanasynan ákelingen.
Aıta keterligi, bıyl Belarýs halqy - belarýs jáne shyǵys slavıan halyqtarynyń 500 jyldyǵyn atap ótip jatyr. Bul merekeniń álemdik mádenıet úshin erekshe mańyzy bolǵandyqtan, ıÝNESKO bul merekeni Aıtýly kúnder kúntizbesine engizgen.
«Men eń aldymen osynaý sharaǵa muryndyq bolyp, ataqty Frantsısk Skorınanyń eńbegin alyp kelgeni úshin Qazaqstandaǵy Belarýstyń elshisi Anatolıı Ivanovıchke alǵys bildirgim keledi. Belarýstyń tuńǵysh baspageriniń eńbeginiń bizdiń kitaphanaǵa syıǵa tartylýy - shynynda da, baǵa jetpes syılyq. Eki eldiń arasynda myǵym mádenı baılanys ornap keledi. Bizdiń Prezıdenttiń jýyqta Belarýs eline sátti sapary osyny aıǵaqtaı túsedi. Eki eldiń mádenı-gýmanıtarlyq baılanysynyń berik bola túsýi - Elbasy kitaphanasynda júzege asyp jatqany erekshe qýantady», - deıdi saltanatty rásimde Elbasy kitaphanasy dırektorynyń orynbasary Ámirhan Raqymjanov.
Qazirgi tańda álemdiń mádenıette ataǵy bar Frantsısk Skorınanyń basylymdarynyń Belarýsta bir bóligi ǵana saqtalǵan eken. Alaıda aǵartýshynyń dúnıe júzi boıynsha jıyny 520-ǵa jýyq basylymy Ulybrıtanııa, Germanııa, Danııa, Lıtva, Polsha, Slovenııa, Reseı, AQSh jáne Ýkraınanyń kitaphana, mýzeı men muraǵattarynda jınaqtalǵan. Kitaptardyń qoljazba basylymdary qalyń jurtshylyqqa belarýs halqynyń mádenı murasynyń qundy bóligin usynyp otyr. Qazaqstandyq tarıhshylar úshin de atalǵan jazba qundy derekkóz bolyp tabylady.
«Eki eldiń dıplomatııalyq qarym-qatynasynyń ornaǵanyna 25 jyl tolýy oraı ótkizilgen osy shara Qazaqstannyń tuńǵysh Prezıdenti Nursultan Ábishulyna kórsetilgen qurmet dep bilemiz. Belarýs tili - slavıan halyqtary ishindegi eń kóne tilderdiń biri. Órleý kezeńinde burynǵy belarýs tili resmı til sanalyp, quqyqtyq, iskerlik tilge aınalǵan. 16 ǵasyrdyń sońyna deıin ol til Lıtvanyń Uly Knıazdyǵynda ultaralyq baılanysqa negiz bolǵan jetekshi til bolyp esepteldi. Osy rette Belarýs elshiligi Qazaqstan tarapymen barynsha mádenı baılanys ornatyp keledi. Óz atymnan Elbasy kitaphanasynyń ujymyna zor alǵysymdy bildirgim keledi», - deıdi Anatolıı Nıshkasov. 
