Elbasy kitaphanasynyń Aqtóbedegi kóshpeli kórmesin 120 myń adam tamashalady
AQTÓBE. QazAqparat - Aqtóbede Elbasy kitaphanasynyń «N. Nazarbaev: dáýir, tulǵa, qoǵam» kóshpeli kórmesin eki aıda 120 myń adam tamashalady, dep habarlaıdy QazAqparat tilshisi.
Aqtóbede Elbasy kitaphanasynyń kóshpeli kórmesin qala turǵyndary men qonaqtar tamashalady. Eki aı boıy oblystyq mýzeıdegi qundy qujattar men jádigerlerdi 120 myńnan astam adam qarap, tanysty.
«Árbir halyq, ásirese, óskeleń urpaǵymyz óz eliniń tarıhyn, qalaı qurylǵanyn, damyǵanyn, qurylý jolynda qandaı qıyndyqtar bolǵanyn bilýi tıis. Kórmeni eki aı ishinde 120 myńnan astam adam tamashalady. Aqtóbelik jastar barynsha aqparat aldy. Men Prezıdenttiń ómir joly olar úshin ómir boıy úlgi ári baǵdar bolaryna senimdimin. Biz elimizben, Elbasymyzben maqtanýymyz kerek. Onyń dana saıasatynyń arqasynda Qazaqstan álemdik qoǵamdastyqta laıyqty ornyn aldy», - dedi óńir basshysy.
Aıta keteıik, kórmede Elbasynyń ózi tutynǵan zattar men túrli elder bergen orden, medal, syı bar.«Elbasy joly» bóliminde QR Tuńǵysh Prezıdenti ómirbaıany aıtylsa, «Elbasy fenomeni» bólimi táýelsiz Qazaqstandy qurǵan N.Á.Nazarbaevtyń memlekettik qurylys tujyrymdamasynyń qalyptasýy men damý tarıhyn keńinen kórsetedi. «Álem tanyǵan Elbasy» bóliminde uıymdastyrýshylar eldiń syrtqy saıasatyn kórsetken. Al «Elbasy mártebesi - el mártebesi» taraýynda N.Á.Nazarbaevtyń joǵary memlekettik nagradalarynyń biregeı jınaqtary bar. Kóshpeli kórmn óz jumysyn Qyzylorda oblysynda jalǵastyrady.
