Elbasy kitaphanasynda «Qazaqstan trendi: totalıtarızmnen demokratııalyq jáne quqyqtyq memleketke» kitabynyń tusaýkeseri ótti (FOTO)
Keshe ótken is-sharanyń maqsaty - táýelsiz, qýatty ári órkendeýshi Qazaqstannyń qalyptasýynda el Konstıtýtsııasynyń alatyn orny men tarıhı rólin jan-jaqty zerdeleý. Tanystyrylymdy Qazaqstan Respýblıkasynyń Konstıtýtsııalyq Keńesi men «Qazaqstan Respýblıkasynyń Tuńǵysh Prezıdenti - Elbasynyń kitaphanasy» MM birlese ótkizdi.
Jańa basylym sheteldik memleket jáne qoǵam qaıratkerleriniń, ǵalymdarynyń maqalalarynan, pikirlerinen turady. Onda Qazaqstannyń quqyqtyq saladaǵy keıingi 20 jyldaǵy jetistikteri men Konstıtýtsııanyń róli týraly oılar toptastyrylǵan. Avtorlar qatarynda Ulybrıtanııanyń eks-premeri Tonı Bler, Eýropa Keńesi Venetsııa komıssııasynyń prezıdenti Djannı Býkıkkıo, Armenııa, Ázerbaıjan, Túrkııa jáne birqatar memleket Konstıtýtsııalyq keńesteriniń tóraǵalary bar. Kitap árqaısysy 3 000 danadan úsh tilde - qazaq, orys, aǵylshyn tilderinde jaryq kórdi.
Іs-sharanyń bastalýynda «Qazaqstan Respýblıkasynyń Tuńǵysh Prezıdenti - Elbasynyń kitaphanasy» MM atqarýshy dırektory Beısembaı Jumabekov qatysýshylardy elimiz Konstıtýtsııasynyń 20 jyldyǵymen quttyqtady.
Qazaqstan Respýblıkasy Konstıtýtsııalyq Keńesiniń tóraǵasy, zań ǵylymdarynyń doktory, professor, atalǵan kitap alǵysóziniń avtory Igor Rogov basylymdaǵy maqalalardyń barlyǵy erkin pikir ekenin atap ótti. «Qandaı da bir sottyń tóraǵasyn nemese ǵalymdy ózi kelispeıtin pikirge avtor bolýǵa mindetteı almaısyń ǵoı. Sondyqtan biz qandaı materıal alsaq, sol qalpynda kitapqa engizdik», - dedi ol.
Tanystyrylym barysynda sóz alǵan Armenııa Konstıtýtsııalyq Sotynyń tóraǵasy, kitaptyń ıdeıa avtory ári bastamashysy, Jańa demokratııa elderiniń konstıtýtsııalyq organdary konfederatsııasynyń tóraǵasy Gagık Arýtıýnıan:
- Qazaqstandaǵy konstıtýtsııalyq damý úderisterin zerdelegende, munda aıtarlyqtaı erekshelikter bar ekenine mán bermeýge bolmaıdy. Bul erekshelikterdi óz basym turaqty evolıýtsııalyq konstıtýtsııalyq damý retinde baǵaladym. Bul - eldiń orasan zor basymdyǵy. Osy úderisti tereń zerttep, baǵamdap ári qaıbir tustaryn ózimizde, bizdiń elderimizdiń kóbinde paıdalanýǵa bolady», - dep atap ótti.
Atalǵan kitap avtorlarynyń biri, Bremen ýnıversıtetiniń professory Rolf Knıperdiń pikirinshe, avtorlardyń barlyǵy Qazaqstannyń damýyna qatysty asa jyly ári dostyq peıilderin aıqyn baıqatqan. Sondaı-aq olardyń barlyǵy keler kúnge baılanysty dostyq usynymdaryn aıta ketken. Sondyqtan bul eńbekti naqty bir kezeńniń esebi retinde qarastyrýǵa bolady.
Tanystyrylymda RF Ulttyq strategııa ınstıtýty halyqaralyq jobalarynyń dırektory, saıasattaný ǵylymdarynyń doktory, Qazaqstan jáne Orta Azııa elderi jónindegi maman ıÝrıı Solozobov pikir bildirdi. «Bul kitaptyń biregeıligi - Prezıdenttiń ǵylymı bilimniń transparenttigi týraly ıdeıasyn júzege asyrýynda».
Sondaı-aq sharaǵa otandyq jáne sheteldik ǵalymdar, Astana joǵarǵy oqý oryndarynyń ustazdary men stýdentteri, Elbasy kitaphanasy janyndaǵy «Kemel El» jastar tárbıesi ortalyǵynyń músheleri jınaldy.
Shara sońynda Elbasy kitaphanasy qoryna «Qazaqstan trendi: totalıtarızmnen demokratııalyq jáne quqyqtyq memleketke (syrttaı kózqaras)» kitabyn tapsyrý rásimi ótti.