Elbasy kitaphanasynda «Qasıetti Quran kitaptary» kórmesi ashyldy
ASTANA. QazAqparat - Qazaqstan Respýblıkasynyń Tuńǵysh Prezıdenti - Elbasy kitaphanasy mýzeıiniń ǵımaratynda «Qasıetti Quran kitaptary» atty kórme ashyldy. Onyń aıasynda kórermenderge kitaphana qorynyń biregeı jınaǵyndaǵy Qurannyń arab tilindegi, sondaı-aq qazaq, orys, aǵylshyn tildi nusqalarynyń 55 danasy usynylady, dep habarlaıdy atalǵan kitaphananyń baspasóz qyzmeti.
Atalmysh kórmeniń basty ereksheligi - kitaphana qoryndaǵy sırek kezdesetin kitaptardyń, XVIII-XIX ǵǵ. jazylǵan túpnusqa qoljazbalardyń kórsetilýinde.
Olardyń kóbisi Elbasymyz N.Á. Nazarbaevqa ózge memleket ókilderinen dıplomatııalyq syı retinde tartý etilgen. Ár kitap muqabasynyń syrtqy kelbeti kórkemdik, zergerlik jáne kallıgrafııalyq sheberlikpen erekshelenedi.
Ashyq ǵaryshta, «Mır» halyqaralyq ǵarysh beketinde bolǵan Quran basylymy - toptamadaǵy erekshe jádigerlerdiń biri. Ony Memleket basshysyna otandyq ǵaryshker Talǵat Musabaev syıǵa tartqan.
