Elbasy kitaphanasynda «Beıbitshilik jáne meıirimdilik sımfonııasy» atty kórme ashyldy

Іs-shara «Nursultan Nazarbaevtyń Bilim berý Qory» qoǵamdyq qory júrgizgen balalar shyǵarmashylyǵy baıqaýynyń nátıjesi boıynsha uıymdastyrylǵan. Atalmysh kórme men saıys Astananyń 20 jyldyǵy men «Nursultan Nazarbaevtyń Bilim berý Qory» qoǵamdyq qorynyń 20 jyldyǵyna arnalyp otyr. Elbasy kitaphanasy men Bilim berý qorynyń seriktestik týraly memorandýmy aıasynda bul kórme - alǵashqy shara ekenin aıta ketý kerek.

«El Prezıdenti Nursultan Ábishuly Nazarbaev somdaǵan búgingi Astana jaı ǵana, elorda, megapolıs qana emes, búgingi Astana - respýblıkanyń kıeli qundylyǵy, beıbitshilik qalasy. «Nursultan Nazarbaevtyń Bilim berý Qory» qoǵamdyq qoryn talanttarǵa qamqorshy qoǵamdyq qor dep atar edim. Óıtkeni, Elbasymyz jarııalaǵan «Qazaqstan-2050» strategııasynda kózdelgen básekege qabilettiligi damyǵan memleket bolýdy bolashaqqa iske asyratyn aldyńǵy qatarly jastarymyz. Mine, búgingi kórmemiz - «Nursultan Nazarbaevtyń Bilim berý Qorynyń» ıgi isteriniń aıǵaǵy ispettes. Olaı bolsa eńbekterińizge shyǵarmashylyq, tabys tileımiz», - dedi kórmeniń ashylýynda», - dedi QR Tuńǵysh Prezıdenti - Elbasy kitaphanasy dırektorynyń orynbasary Ámirhan Rahymjanov.



Óz kezeginde «Nursultan Nazarbaevtyń Bilim berý Qory» qoǵamdyq qory tóraǵasynyń orynbasary Ǵaısha Syzdyqova atalmysh qor 20 jyl buryn Prezıdenttiń bastamasymen ashylǵanyn atap ótti.

«Búgin kún de jarqyrap, barlyq jas qatysýshylarǵa Astana qushaǵyn jaıyp tur. Búgin bizdiń jas sýretshilerdiń jarqyraıtyn kúni. Olarmen birge ata-analary da, muǵalimderi de kórmege qatysýda. Osynda kórsetilgen shyǵarmashylyq jumystar bizdiń mekteptegi bilim berý baǵdarlamarynyń aıqyn jemisi dep aıtar edim. Baıqaý osy jyldyń aqpan aıynan bastalǵan edi. Stýdentter de, muǵalimder de baıqaý ıdeıasyna tereń qanyǵa bildi. «Beıbitshilik jáne meıirimdilik sımfonııasy» dep baıqaýdyń ataýyn bizdiń stýdentter usynǵan edi. Bizdiń balabaqshalar men mektepterde osy týyndylardyń shaǵyn kórmeleri uıymdastyryldy. Balalar men stýdentterdiń týyndylaryn irikteý bizdiń tóreshilerge ońaıǵa túspegenin aıta ketý kerek», - dedi Ǵaısha Syzdyqova.

«Beıbitshilik jáne meıirimdilik sımfonııasy» kórmesine Qor fılıaldary men stýdentteri, Almaty qalasyndaǵy №1 balalar úıi tárbıelenýshileriniń tórt júzden astam jumysy usynylǵan. Jas jetkinshekter shyǵarmalaryn keskindeme, kollaj, mozaıka, shynyǵa jazý, kvıllıng, batık sekildi túrli aralas, kórkem jáne qoldanbaly tehnıkalarda oryndaǵan.

Baıqaýǵa usynylǵan jumystarǵa Elbasy kitaphanasynyń qyzmetkerleri, Astana qalasyndaǵy ıÝNESKO klýby - Balalar kórkemsýret mektebiniń, Á.Qasteev atyndaǵy QR MÓM-niń ónertanýshylary baǵa berdi. Osynyń nátıjesinde 3-18 jas aralyǵyndaǵy balalardyń 150 týyndysy tańdalyp alynǵan.

Shara barysynda eńbekteri úzdik dep tanylǵan jas sýretshiler ártúrli nomınatsııalar boıynsha marapattaldy.

Jas sýretshilerdiń aıtýynsha, shyǵarmashylyq jumystar olardyń ishki jandúnıesin, ómirge degen kózqarastaryn beınelep, elimizdegi birlik pen kelisimdi, bas qalamyz - Astanaǵa degen maqtanysh sezimin sýretteıdi. Kórmege qatysqan balalar boılaryndaǵy qabilet pen daryndy, estetıkalyq talǵamdy damytýǵa osylaı múmkindik alyp otyr.