Elbasy kitaphanasy jáne BUU kitaphanasy men arhıvi nıet týraly hatqa qol qoıdy
Іs-shara BUU-nyń Jenevadaǵy bas dırektory Tatıana Valovaıa men BUU janyndaǵy Qazaqstan Respýblıkasynyń Jenevadaǵy turaqty ókili Janar Aıtjanovanyń qatysýymen ótti.
Taraptar Elbasy kitaphanasy men BUU bóliminiń Jenevadaǵy kitaphanasy arasyndaǵy yntymaqtastyq josparyn talqylap, Qazaqstan Respýblıkasynyń Tuńǵysh Prezıdenti - Elbasy kitaphanasy men BUU bóliminiń Jenevadaǵy kitaphana jáne arhıvi arasyndaǵy nıet týraly hatyna qol qoıdy.
Qujat arhıv, tarıh salalaryndaǵy kópjaqty, halyqaralyq qarym-qatynastar men qundylyqtardy zertteýdiń yntymaqtastyǵyn, Birikken Ulttar Uıymynyń qyzmeti men Qazaqstannyń tarıhı murasyn zertteýdegi seriktestikti kózdeıdi.
Alǵysóz barysynda Elbasy kitaphanasynyń dırektory Baqytjan Temirbolat Qazaqstan delegatsııasynyń Jenevaǵa sapary 31 tamyzda ótetin halyqaralyq konferentsııaǵa baılanysty ekenin atap ótti. Elbasy kitaphanasy uıymdastyratyn konferentsııa Semeı ıadrolyq polıgony jabylýynyń 30 jyldyǵyna arnalmaq.
«Ataýly kúnniń Qazaqstan úshin ǵana emes, búkil álemdik qaýymdastyq úshin mańyzy zor. Tuńǵysh Prezıdentimiz N.Á. Nazarbaevtyń tarıhı sheshiminiń arqasynda Semeı ıadrolyq polıgonyn japqan Qazaqstan qarýsyzdaný salasy kóshbasshylarynyń biri bolyp moıyndaldy. 2009 jyly BUU Bas assambleıasy biraýyzdan qarar qabyldap, 29 tamyzdy Halyqaralyq ıadrolyq synaqtarǵa qarsy kúres kúni dep jarııalady. Beıbitshilik pen jahandyq qaýipsizdikti nyǵaıtýǵa baǵyttalǵan kóptegen basqa bastamalar sııaqty bul bastamany da Elbasy usyndy. Onyń «Manıfest. Álem. HHІ ǵasyr» baıandamasy Bas assambleıa men BUU Qaýipsizdik keńesiniń resmı qujaty mártebesin aldy. Qazirgi geosaıası turaqsyzdyq jaǵdaıynda Qazaqstannyń bitimger jáne ıadrolyq qarýǵa tyıym salý ıdeıasynyń avtory retinde róli zor. Bul baǵytty 2011-2013 jyldar aralyǵynda BUU Bas hatshysynyń orynbasary jáne Jenevadaǵy BUU Eýropa bóliminiń basshysy bolyp jumys istegen memleket basshymyz Qasym-Jomart Toqaev ta jalǵastyryp keledi», - dedi B.Temirbolat.
BUU-nyń Jenevadaǵy bas dırektory Tatıana Valovaıa da Qazaqstannyń ıadrolyq qarýsyzdanýǵa qosqan úlesin belgilep, baılanysty odan ári nyǵaıtýdyń mańyzdylyǵyn atap ótti.
«Qazaqstan Respýblıkasynyń Tuńǵysh Prezıdenti – Elbasy kitaphanasymen qarym-qatynas ornatý biz úshin úlken mártebe. N.Á. Nazarbaev – HH ǵasyrdyń aıaǵy men HHІ ǵasyrdyń basyndaǵy álemdik deńgeıdegi iri saıasatkerlerdiń biri. Onyń esimimen atalǵan mekemeniń arhıvi men kitaphanasyn kópshilikke qoljetimdi etý – aqylmen tabylǵan oı. Búginde kitaphana – ári ǵylymı ortalyq, ári mańyzdy halyqaralyq is-sharalardyń uıytqysy. BUU Qazaqstan Respýblıkasynyń ekijaqty yntymaqtastyqtaǵy turaqty ustanymyn jáne negizgi bastamalaryn, atap aıtqanda qarýsyzdaný, ultaralyq jáne konfessııaaralyq dıalog qurý sııaqty ıdeıalaryn joǵary baǵalaıdy. Zertteýshilerdiń bizdiń kitaphanaǵa da, Elbasy kitaphanasyna qyzyǵýshylyǵy zor», - dep atap ótti T.Valovaıa.
Ol 1946 jyly Ulttar Lıgasynyń barlyq arhıvi men basylymyn qolǵa alǵan BUU kitaphanasy men arhıvi qazirgi ýaqytta qoryn tsıfrlandyrý boıynsha aýqymdy jobany júzege asyryp jatqanyn aıtty. Endi biregeı materıaldar álemniń kez kelgen jerindegi zertteýshilerge ashyq bolady. Búginde BUU kitaphanasy men arhıvi qorynda 17 mıllıonnan astam kitap bar. Kezdesýde kitaphanalar arasynda elektrondy kitap almasý usynyldy.
Óz kezeginde Jenevadaǵy BUU keńsesi kitaphanasy men arhıviniń dırektory Franchesko Pızano bylaı dedi: «Qarýsyzdaný jáne ıadrolyq qarýdy taratpaý – BUU keńsesi kitaphanasy men arhıvi qyzmetiniń mańyzdy baǵyttarynyń biri. Kóptegen materıaldar, qujattar men kitaptar atalǵan máselelerdi qamtıdy. Sondyqtan da Qazaqstan Respýblıkasynyń Tuńǵysh Prezıdenti – Elbasy kitaphanasynyń da bul máselelermen aınalysatynyna qýanyp otyrmyz. Bul múddemizdiń yntymaqtastyǵymyzdy nyǵaıtatynyna senimdimin».
Esterińizge salsaq, aǵymdaǵy jyldyń 30 tamyzy men 1 qyrkúıegi aralyǵynda Elbasy kitaphanasy Jeneva qalasynda halyqaralyq uıymdardyń ókilderimen birqatar is-shara men kezdesý ótkizbek. Olardyń aıasynda jahandyq jáne aımaqtyq qaýipsizdiktiń, arhıvtik jáne tarıhı zertteýlerdiń, dıplomatııa men halyqaralyq qatynastardyń máselelerine qatysty yntymaqtastyqty damytýǵa baǵyttalǵan qujattarǵa qol qoıylady.
Búgin Elbasy kitaphanasy Jeneva saıasat jáne qaýipsizdik ortalyǵymen yntymaqtastyq memorandýmyna qol qoıdy.
Erteń, 31 tamyzda Semeı ıadrolyq polıgonynyń jabylýynyń 30 jyldyǵyna jáne 29 tamyz – ıAdrolyq synaqtarǵa qarsy halyqaralyq kúres kúnine oraı Jenevada «Qazaqstan – BUU: Beıbitshilik úshin seriktestik» halyqaralyq konferentsııasy ótedi.
Konferentsııa barysynda aǵylshyn tilindegi «ıAdrolyq qarýsyz álemge betburys: Elbasy bastamalary» ǵylymı jınaǵynyń tusaýkeseri ótedi.
