Elbasy kitaphanasy men Jeneva saıasat jáne qaýipsizdik ortalyǵy memorandýmǵa qol qoıdy

NUR-SULTAN. QazAqparat - Búgin, 30 tamyzda el táýelsizdiginiń 30 jyldyǵyna arnalǵan is-sharalar aıasynda Jeneva qalasynda (Shveıtsarııa) QR Tuńǵysh Prezıdenti - Elbasy kitaphanasy dırektory Baqytjan Temirbolat bastaǵan delegatsııa Jeneva saıasat jáne qaýipsizdik ortalyǵy dırektorynyń orynbasary Krıstına Orısıchpen kezdesti.

Taraptar birlesken is-sharalardy, ǵylym, bilim salalaryndaǵy baǵdarlamalardy iske asyrýda Elbasy kitaphanasy men Jeneva saıasat jáne qaýipsizdik ortalyǵynyń yntymaqtastyq jumystaryn talqylady, dep habarlaıdy QazAqparat Elbasy kitaphanasynyń baspasóz qyzmetine silteme jasap.

Kezdesý aıasynda qos uıym yntymaqtastyq memorandýmyna qol qoıdy.

B.Temirbolat Elbasy kitaphanasynyń kóp jyldyq tájirıbesi men resýrstarynyń arqasynda jergilikti, halyqaralyq deńgeıde bilim, ǵylym, qaýipsizdik máselelerin qolǵa alǵan jetekshi ortalyqtarynyń birine aınalǵanyn aıtty.

«Elbasy kitaphanasy aımaqtyq jáne jahandyq qaýipsizdik máselelerine úlken kóńil bóledi. Osy oraıda yntymaqtastyǵymyz praktıkalyq deńgeıge shyǵýy múmkin. Ekijaqty yntymaqtastyqtyń ortaq maqsattary men baǵyttaryn taba alatynymyzǵa senimdimin», - dedi Qazaqstan delegatsııasynyń basshysy.

«Jeneva saıasat jáne qaýipsizdik ortalyǵynyń yntymaqtastyq ornatýǵa nıeti zor. Atap aıtqanda, syrtqy saıasat mekemeleriniń dıplomattary, ofıtserleri men azamattyq qyzmetkerleri úshin halyqaralyq qaýipsizdik saıasaty salasyndaǵy mamandandyrylǵan daıyndyq pen biliktilikti arttyrý baǵdarlamalary, sondaı-aq halyqaralyq qaýipsizdik salasyndaǵy zertteýler, tıisti taqyryptar boıynsha konferentsııalar men semınarlar uıymdastyrý usynylmaq», - dedi K.Orısıch.

Esterińizge salsaq, aǵymdaǵy jyldyń 30 tamyzy men 1 qyrkúıegi aralyǵynda Elbasy kitaphanasy Jeneva qalasynda halyqaralyq uıymdardyń ókilderimen birqatar is-shara men kezdesý ótkizbek. Olardyń aıasynda jahandyq jáne aımaqtyq qaýipsizdiktiń, arhıvtik jáne tarıhı zertteýlerdiń, dıplomatııa men halyqaralyq qatynastardyń máselelerine qatysty yntymaqtastyqty damytýǵa baǵyttalǵan qujattarǵa qol qoıylady.

31 tamyzda Semeı ıadrolyq polıgony jabylýynyń 30 jyldyǵy men 29 tamyz – ıAdrolyq synaqtarǵa qarsy halyqaralyq kúres kúnine oraılastyrylǵan «Qazaqstan – BUU: beıbitshilik úshin seriktestik» halyqaralyq konferentsııasy ótedi.

Konferentsııa barysynda aǵylshyn tilindegi «ıAdrolyq qarýsyz álemge betburys: Elbasy bastamalary» ǵylymı jınaǵynyń tusaýkeseri ótedi.