Elbasy kelissózderge qalaı daıyndalady

TsINDAO. QazAqparat - Búgin Qytaıǵa memlekettik saparyn qorytyndylap, qazaqstandyq BAQ ókilderine suhbat bergen QR Prezıdenti Nursultan Nazarbaev memleket basshylarymen kelissózge qalaı daıyndalatynyn aıtty, dep habarlaıdy QazAqparat tilshisi.

«Sı Tszınpınmen, Qazaqstan men Qytaı arasynda barynsha senimdi qarym-qatynas ornaǵan. Ol Qazaqstanǵa qatysty óte jaqsy sózder aıtyp, tipti meni úlken aǵam dedi. Bul neni bildiredi? Senim bar degen sóz. Al senim bolǵanda barlyq máseleler sheshiledi. Kez kelgen jaǵdaıda óz elińniń múddesin eskerý qajet. Eger sál jaqsy jasasań jaraısyń, al eki jaqqa tıimdi jasasań ol da jaqsy», - dedi Elbasy.

Memleket basshysy kez kelgen kelissózdiń óte qıyn bolatyndyǵyn ashyq aıtty.

«Kelissózder barlyq ýaqytta da qıyn. Men kelissózderge tyńǵylyqty daıyndalamyn. Sol kelissózder ótpeıinshe kúni-túni tynyshtyq joq. Barlyq apparat aıaǵynan tik turady. Kez kelgen ýaqytta túzetip, dálelder keltirý úshin málimetterdi talap ete alamyn. Bul óte kúrdeli protsess. Bul - meniń jaýapkershiligim. Bul jaýapkershilikti halqym maǵan júktedi. Menen basqa eshkim de ony jasamaıdy. Bul bilimdi, búge-shigesine deıin sóılese bilý sheshendigin talap etetin óte kúrdeli protsess», - dedi Nursultan Nazarbaev.