Elbasy «QazMunaıGaz» basshysymen kezdesýde: Jaǵdaı birtindep qalpyna kelýde

NUR-SULTAN. QazAqparat - «Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy «QazMunaıGaz» Ulttyq kompanııasy» Aktsıonerlik qoǵamynyń basqarma tóraǵasy Alık Aıdarbaevty qabyldady. QazAqparat bul týraly Elbasy saıtyna silteme jasap habarlaıdy.

Kezdesýde Nursultan Nazarbaevqa ulttyq kompanııanyń 2021 jylǵy jumysynyń nátıjesi men qazirgi qyzmeti týraly aqparat berildi.

«Ótken jyl bárimiz úshin synaqqa toly boldy. Pandemııa ekonomıkaǵa keri áserin tıgizdi. Sonymen qatar munaı baǵasy tómendedi. Kóptegen kompanııalar qıyndyqqa tap boldy. Qazir jaǵdaı birtindep qalpyna kelip jatyr», – dedi Elbasy.

A.Aıdarbaev daǵdarysqa qaramastan ulttyq kompanııa qarjylyq turaqtylyqty saqtap qalǵanyn jáne qazir pandemııaǵa deıingi kórsetkishterge qol jetkizý úshin jumys istep jatqanyn baıandady. Sondaı-aq kezdesýde «QazMunaıGaz» kompanııasy júzege asyryp jatqan iri ınvestıtsııalyq jáne ınfraqurylymdyq jobalar týraly aıtyldy.