Elbasy Qazaqstannyń jınaqtalǵan aktıvteri qaıda baǵyttalatynyn aıtty
ASTANA. QazAqparat - Qazaqstannyń jınaqtalǵan qomaqty qarjysy eldiń tabysyn arttyrýǵa jumsalady. Búgin altynshy saılanǵan QR Parlamentiniń ekinshi sessııasyn ashý barysynda sóz sóılegen QR Prezıdenti Nursultan Nazarbaev osylaı málimdedi.
«Úkimette ótetin keńeste biz qomaqty kólemde jınaqtalǵan nemese únemdelgen qarjyny adamdardyń tabysyn jáne jumyspen qamtý deńgeıin arttyrýǵa qaıta bólemiz», - dedi Prezıdent.
Sonymen qatar N. Nazarbaev memleket tarapynan kepildendirilgen áleýmettik paketke shyǵystar kólemin saqtaýdy zańnamalyq turǵyda qamtamasyz etý kerek ekenin qadap aıtty.
«Bul rette bárinen buryn zeınetaqy, járdemaqylarǵa, shákirtaqylarǵa jáne adamdar úshin basqa da áleýmettik tólemderge qatysty bolyp otyr. Qazaqstandyqtardyń ómir súrý deńgeıiniń tómendeýine eshbir jaǵdaıda jol bermeý úshin bıýdjettik saıasatty tıisti dárejede baǵdarlaý qajet»,-dep tapsyrdy N. Nazarbaev.
Budan buryn habarlanǵandaı, QR Parlamentiniń ekinshi sessııasyn ashý barysynda Elbasy qyrkúıek aıynyń alǵashqy onkúndiginde Úkimettiń keńeıtilgen otyrysy ótetinin aıtyp ótti.
«Osy otyrysta men jumyspen qamtýdy qoldaý jáne halyqtyń tabysyn arttyrýǵa qatysty jańa sharalardy usynatyn bolamyn. ıAǵnı, ekonomıka tereń tynys alyp, damýy úshin jańa qarajattar tartý joldary, bankterdiń jumysyn jandandyrý jáne jergilikti jerlerdegi múmkindikterdi keńeıtý qarastyrylatyn bolady», - dedi Memleket basshysy.
