Elbasy Qazaqstannyń Memlekettik týyn kóterý dástúrli rásimine qatysady

Bul týraly búgin QR Prezıdenti janyndaǵy Ortalyq kommýnıkatsııalar qyzmetiniń resmı ókili Altaı Ábıbýllaev málim etti.

"4 shilde kúni Elbasy Qazaqstannyń Memlekettik týyn kóterý dástúrli rásimine qatysady jáne Prezıdent eldiń joǵary áskerı oqý oryndarynyń eń úzdik túlekterine ofıtser shenderin tabys etedi", - dedi ol.

A.Ábıbýllaevtyń aıtýynsha, 4 shilde kúni Nursultan Nazarbaev «Astana» prezıdenttik sport klýbynyń tusaýkeserine qatysady. Klýb 2012 jyldyń jeltoqsan aıynda "Samuryq-Qazyna" Ulttyq ál-aýqat qorynyń qoldaýymen qurylǵan bolatyn. Klýb quramyna 9 álemdik deńgeıdegi sport toby, atap aıtar bolsaq: "Astana" velokomandasy, "Astana Arlans" boksshylar toby, "Astana Dakar Team" komandasy, "Barys" hokkeı klýby, "Qazaqstan barysy", Ilıa Ilın men Denıs Ten jeke sporttyq jobalary qosylǵan.

Sonymen qatar 5 shildede Memleket basshysy Nursultan Nazarbaev Astananyń 15 jyldyǵyna arnalǵan saltanatty jınalysqa qatysyp, sóz sóıleıdi dep kútilýde.