Elbasy Qazaqstannyń memlekettik qaryzy kóp deıtinderge jaýap berdi

TsINDAO. QazAqparat - Qazaqstannyń memlekettik qaryzy álem boıynsha eń tómen. Bul týraly búgin Qytaıǵa memlekettik saparyn qorytyndylap, qazaqstandyq BAQ ókilderine suhbat bergen QR Prezıdenti Nursultan Nazarbaev aıtty, dep habarlaıdy QazAqparat tilshisi.

«Búkil álem boıynsha bizdiń memlekettik qaryzymyz eń tómen. Amerıkalyqtardyń qaryzy 14 trln dollarǵa teń. Bul ishki jalpy ónimnen de joǵary. Germanııa qaryzy jalpy ishki ónimniń 90, Italııada - 120, Ispanııada 100 paıyzdy quraıdy. Al bizdiń qaryzymyz ne bári 13 mlrd dollar ǵana. ıAǵnı, jalpy ishki ónimniń 10 paıyzynan da tómen», - dedi Nursultan Nazarbaev.

Osy oraıda Memleket basshysy elimizdiń memlekettik qaryzy ulǵaıyp ketpeýin únemi jiti qadaǵalap otyratyndyǵyn aıtty.

«Al bular (qytaılyq kompanııalarmen birlesken jobalar) meniń ýaǵdalastyǵymnyń, jaqsy qarym-qatynasymnyń arqasynda oryn alyp jatyr. Bıznesmenderge jaqsy jol ashyp berip otyrmyn. Olarǵa senedi, óıtkeni memleketke senim artady. Bul jobalardyń barlyǵy da kommertsııalyq, bıznes toptardyń arasynda júzege asyrylady», - dedi Elbasy.

Nursultan Nazarbaev Astanada jeńil relsti tramvaı jobasyna ǵana alynatyn qaryz memlekettiki ekendigin ashyq aıtty.

«Bul jer ústindegi metro desek te bolady. Muny salý memlekettiń mindettemesi. Óıtkeni, ınfraqurylymyn salyp, tenıkasyn eshkim satyp ala almaıdy. Infraqurylymdy memleket salýy tıis», - dedi QR Prezıdenti.