Elbasy Qazaqstannyń halyq ártisi Jánııa Áýbákirovany qabyldady
NUR-SULTAN. QazAqparat – Elbasy Qazaqstan Respýblıkasynyń halyq ártisi Jánııa Áýbikárovany qabyldady, dep habarlaıdy Elbasynyń resmı saıty.
Kezdesý barysynda J.Áýbákirova Nursultan Nazarbaevqa qazirgi qyzmeti týraly aıtyp, aldaǵy kezeńge shyǵarmashylyq josparlarymen bólisti.
– Siz ónerde tolaǵaı tabysqa qol jetkizgen elimizge tanymal tulǵasyz. Áıelder arasynda Beıbitshilik jáne progress syılyǵyn alǵan birden-bir adamsyz. Bizdiń mádenıetimizdi álem elderine nasıhattadyńyz. Bilimińiz jáne tájirıbeńizben óskeleń urpaqpen bólisýdi jalǵastyra berińiz, - dedi Qazaqstannyń Tuńǵysh Prezıdenti.
