Elbasy qazaqstandyq búldirshinderdi Jańa jyl merekesimen quttyqtady
ASTANA. 28 jeltoqsan. QazAqparat /Gúlmıra Alıakparova/ - Búgin Astanadaǵy "Dýman" oıyn-saýyq kesheninde Qazaqstan Prezıdentiniń atynan ata-ananyń qamqorlyǵynsyz qalǵan balalarǵa arnalǵan jańajyldyq shyrsha merekesi ótti.
Elbasy balalardy alda kele jatqan Jańa jyl merekesimen beınejoldaý arqyly quttyqtady.
«Qymbatty, balalar, búgin baıtaq elimizdiń barlyq óńirinde ónegeli balalar jańajyldyq shyrshanyń aınalasyna jınaldy. Jańa jyl eń aldymen, balalar men búldirshinderge qýanysh syılaıtyn mereke. Men senderdi, sender arqyly barsha qazaqstandyq balany kele jatqan Jańa jyl merekesimen quttyqtaımyn. Bıyl Qazaqstannyń Táýelsizdigine 20 jyl tolǵanyn bilesizder, sondyqtan, bul jyl barshamyz úshin aıryqsha jyl boldy. Táýelsizdik arqyly bizdiń uly Otanymyz jyldan-jylǵa órkendeı túsýde. Qazir dúnıejúzi qazaq elin qurmetteıdi. Sender osyndaı erekshe elde ósip kele jatqan baqytty urpaqsyńdar. Zereli de zerek, bilimdi de bilikti bolyńdar. Buǵan elimizde barlyq múmkindik bar. Jasampaz isterdiń barlyǵy senderdiń jarqyn bolashaqtaryń úshin jasalyp jatyr», - dep atap ótti N.Nazarbaev.
Aıta keteıik, Prezıdenttiń balalarǵa arnaǵan jańajyldyq beınequttyqtaýyn, eldiń barlyq óńirinde bir ýaqytta ótetin «prezıdenttik shyrshalar» barysynda birmezgilde qosý dástúrge aınaldy.
Astanalyq búldirshinder úshin merekelik qoıylym ótetin oryn kezdeısoq tańdalmady. "Dýman" oıyn-saýyq kesheni teńizden myńdaǵan qashyqtyqta ornalassa da alyp okeanarıýmy bar nysan retinde Gınnestiń rekordtar kitabyna engen. Keshen kishkentaı balalar úshin jańalyq pen jumbaqqa toly tańǵajaıyp ertegiler orny.
Shyrsha merekesine qatysýshylar ártúrli halyqtardyń ókilderi men ertegi keıipkerleriniń kómegimen baıqaýlar, jumbaqtar, bı men tosyn syılar arqyly baqyt formýlasyn tapty. Balalardyń tapqan baqyt formýlasy - «Táýelsizdik altyn besigim» dep ataldy.
