Elbasy Qazaqstan Iranmen qaı salalarda qatynastardy keńeıtetinin aıtty

ASTANA. QazAqparat - Qazaqstan Irandy mańyzdy seriktesi retinde qarastyrady. Búgin Aqordada birqatar shet elderdiń Qazaqstanǵa jańadan taǵaıyndalǵan elshilerinen senim gramotasyn qabyl alý saltanatty sharasynda Elbasy Nursultan Nazarbaev osylaı málim etti, dep habarlaıdy QazAqparat tilshisi.

«Biz Iran Islam Respýblıkasyn aımaqtaǵy mańyzdy seriktesimiz retinde qarastyramyz. Osy elmen tıimdi yntymaqtastyq aıasyn keńeıtýge, ásirese, kólik pen tranzıt, aýyl sharýashylyǵy, metallýrgııa salasynda jandandyrýǵa múddelimiz. Aqtaýda qol qoıylǵan Kaspıı quqyqtyq mártebesi týraly konventsııa elderimizdiń ózara yntymaqtastyǵyn nyǵaıtýǵa odan ári oń serpinin tıgizetini belgili», - dep toqtaldy Memleket basshysy.

Sonymen qatar Prezıdent Qazaqstan Irannyń ıadroldyq baǵdarlamasyna qatysty halyqaralyq kelisimniń saqtalýyn, onyń ary qaraı tıimdi iske asyrylýyn quptaıtyndyǵyn atap ótti.

Budan buryn habarlanǵandaı, Memleket basshysyna Aýǵanstan Elshisi Mohammad Frahad Azımı, Qyrǵyzstan Elshisi Jeenbek Kýlýbaev, Lıtva Elshisi Gıntaýtas Vasıýlıs, Iran Elshisi Madjıd Samadzade Saber, Armenııa Elshisi Gagık Galachıan senim gramotasyn tabys etti.