Elbasy Qazaqstan halqy Assambleıasynyń qoǵamdyq «Birlik» altyn medali nagradasyn belgileýdi usyndy
ASTANA. Qazannyń 26-sy. QazAqparat /Ernur Aqanbaı/ - Elbasy Nursultan Nazarbaev Qazaqstan halqy Assambleıasynyń qoǵamdyq «Birlik» altyn medali atty nagradany belgileý týraly usynys jasady,
dep habarlaıdy QazAqparat.
«Elimizdegi beıbitshilik pen kelisimdi nyǵaıtýǵa zor úles qosyp júrgenderdi Qazaqstan halqy Assambleıasynyń jelisi boıynsha salmaqty yntalandyrý týraly máseleni oılanǵan mańyzdy. Máselen, nege Qazaqstan halqy Assambleıasynyń qoǵamdyq «Birlik» altyn medali atty nagradany belgilemeske. Bul sóz joq Assambleıanyń mártebesin kóterýge jumys jasaıtyn bolady», dedi búgin Astanada ótken Qazaqstan halqy Assambleıasynyń 15-shi sessııasynda N. Nazarbaev.
