Elbasy Qazaqstan halqy Assambleıasynyń «Birlik» altyn medalimen marapattaldy
ANA. 18 sáýir. QazAqparat /Qanat Mámetqazyuly/ - Búgin Astanadaǵy Beıbitshilik pen kelisim saraıynda ótip jatqan Qazaqstan halqy Assambleıasynyń 17-nshi sessııasynda Elbasy, Assambleıa Tóraǵasy Nursultan Nazarbaev Qazaqstan halqy Assambleıasynyń «Birlik» altyn medalimen marapattaldy.
«Siz Táýelsiz, gúldengen Qazaqstannyń negizin qalaýshysyz. Siz Qazaqstan halqy Assambleıasyn qurýshysyz. Siz beıbitshilik pen turaqtylyq kepilisiz. Etnıkaaralyq kelisimniń qazaqstandyq úlgisi búkil álemde moıyndaldy. Nursultan Ábishuly, Siz joǵary memlekettik marapatty alýdan bas tartqanyńyzdy bilemiz. Biraq, búgingi kúni jáne Táýelsizdigimizdiń 20 jyldyǵy qarsańynda halyqtyń erik-jigerin bilderi otyryp, Sizge joǵary qoǵamdyq, halyqtyq marapatty tapsyrǵymyz keledi. Bul - Qazaqstan halqy Assambleıasynyń «Birlik» altyn medali», - dedi jıyn sońynda sóz sóılegen Qazaqstan halqy Assambleıasy Tóraǵasynyń orynbasary E.Toǵjan. Óz kezeginde Memleket basshysy Assambleıa tarapynan taǵaıyndalǵan marapatty qabyldaı otyryp, bundaı joǵary marapattyń 3 sáýirdegi saılaýda da kórinis tapqandyǵyn atap ótti.
