Elbasy Qazaq ulttyq agrarlyq zertteý ýnıversıtetiniń rektoryn qabyldady
Áńgime barysynda Nursultan Nazarbaev ýnıversıtettiń otandyq agrarlyq sektor úshin joǵary bilikti mamandar daıarlaý boıynsha júrgizip jatqan jumysynyń mańyzdylyǵyn atap ótti.
Sonymen qatar Qazaqstannyń Tuńǵysh Prezıdenti ınnovatsııalyq tehnologııalardy engizý jáne agrarlyq ǵylymdy damytý máselesine toqtaldy. Osy oraıda Qazaqstan Prezıdenti Qasym-Jomart Toqaevtyń Joldaýynda aıtylǵan otandyq ǵylym salasyn qoldaý men damytýdyń jańa tásilderin engizýdiń ózektiligi atap ótildi.
– Óskeleń urpaqtyń tárbıesi jeke tulǵanyń adamgershilik jáne azamattyq jaýapkershiligin damytýǵa baǵyttalǵan. Bul úderiste toleranttylyq, ultaralyq kelisim, patrıotızm, zańǵa baǵynýshylyq jáne eńbekqorlyq negizgi baǵyt bolýy kerek, – dedi Elbasy.
Kezdesýde T.Espolov Nursultan Nazarbaevqa joǵary oqý ornyna zertteý ýnıversıteti mártebesi berilgeni jóninde málimdedi.
