Elbasy: Qazaq handyǵy kezeńi - at jalynda kún keshken alash jurtynyń qaharmandyq dáýiri

ASTANA. QazAqparat - Qazaq handyǵy kezeńi - at jalynda kún keshken alash jurtynyń qaharmandyq dáýiri, dedi Elbasy Nursultan Nazarbaev Qazaq handyǵynyń 550 jyldyǵyna arnalǵan saltanatty jıyn kezinde.

«Salqam Jáńgir han Orbulaq túbindegi shaıqasta jońǵarlarǵa oısyrata soqqy berse, Áz Táýke «Jeti Jarǵyny» engizdi. Eńsegeı boıly er Esim eldiń irgesin bekitý jolyndaǵy kúreste qolbasshylyǵymen tanymal boldy.

Haqnazar han shekarasyn Edildiń boıyna deıin keńeıtse, Táýekel han Túrkistan ólkesin túgeldeı Qazaq handyǵyna qaratty. Al Qasqa joldy Qasym han handyqtyń irgesin bekitip, keregesin kerdi», - dedi Elbasy.

Bul týraly Aqordanyń Tvıtterdegi paraqshasynda habarlady.