Elbasy «QazAgro» holdınginiń jumysyn synady

ASTANA. 11 qazan. QazAqparat - Búgin Aqordada elimizdiń ótken 9 aıynyń damý qorytyndylaryna arnalǵan Úkimettiń keńeıtilgen otyrysynda Elbasy Nursultan Nazarbaev «QazAgro» holdınginiń jumysyn synady.

Memleket basshysynyń sózine qaraǵanda, oblystyq jáne aýdandyq mańyzdaǵy 91 qalada «QazAgro» holdınginiń birde-bir jobasy júzege asyrylmaǵan. Ulttyq kompanııa iske asyrǵan 208 jobanyń ishinde 53 kásiporyn toqtap tur, al 19-y 60 paıyzdan kem deńgeıdegi qýatpen jumys isteýde.

«Aýyl sharýashylyǵy mınıstrligi qaıda qarap otyr?!» -dedi N. Nazarbaev AShM basshysy Asyljan Mamytbekovke qaratyp aıtqan sózinde.