Elbasy qaıta saılanǵan Prezıdent retinde birinshi kezekte 5 ınstıtýtsıonaldyq reformaǵa qatysty komıssııa qurýǵa kirispek
ASTANA. QazAqparat - Búgin Aqordada buqaralyq aqparat quraldarymen ótken baspasóz máslıhaty barysynda Elbasy Nursultan Nazarbaev qaıta saılanǵan Prezıdent retinde 5 ınstıtýtsıonaldyq reformaǵa komıssııa qurý isine kirisetinin jetkizdi.
«Saılaýdan keıin búgin jumys birden jalǵasyp jatyr. Bálkim, meniń eń birinshi qol qoıatyn aktim 5 ınstıtýtsıonaldyq reformaǵa qatysty komıssııany qurý týraly bolatyn shyǵar. Biz osy máselege birden kirisemiz, ár pýnktimen jeke-jeke jumystar atqaramyz», - dedi Nursultan Nazarbaev.
Budan bólek, Elbasy ótken saılaýda qazaqstandyqtardyń basym bóligi eldik damýdyń aıqyndalǵanyn baǵytyna qoldaý bildirgenin atap ótti.
«Men barlyq baǵdarlamalardy saılaýǵa deıin jarııalaǵan bolatynmyn. Úkimet otyrysynda, «Nur Otan» partııasynyń sezinde, Assambleıa sessııasynda bunyń bári talqylady. Munyń bárin jurt qoldap otyr. Endeshe, halyq maǵan «ózińniń bastaǵan isińdi aıaqta» dep buıyratyn sekildi sezinemin. ıAǵnı, biz elimizde tynyshtyq pen turaqtylyqty saqtaı otyryp, jurtshylyqtyń jaǵdaıyn jasaý. Árıne, daǵdarystyń týyndaýy saılaý úshin de, megajobalardy júzege asyrý úshin de jaqsy kezeń emes. Dese de, Qazaqstan mundaı daǵdarystyń barlyǵyn jaqsy eńserip shyqty, bul joly da júrisimizden jańylmaspyz», - dedi Memleket basshysy.
