Elbasy Qasym-Jomart Toqaevqa buǵan deıingi atqarǵan qyzmetteri úshin alǵysyn bildirdi
ASTANA. 15 sáýir. QazAqparat /Qanat Mámetqazyuly/ - Memleket basshysy Nursultan Nazarbaev Birikken Ulttar Uıymynyń Jenevadaǵy bóliminiń Bas dırektory bolyp taǵaıyndalýyna baılanysty Qasym-Jomart Toqaevqa buǵan deıingi atqarǵan qyzmetteri úshin alǵysyn aıtyp, Qazaqstan halqy atynan aldaǵy qyzmetine jemis tiledi.
Budan buryn habarlaǵanymyzdaı, búgin QR Parlament Senatynyń jalpy otyrysynda Birikken Ulttar Uıymynyń Jenevadaǵy bóliminiń Bas dırektory bolyp taǵaıyndalýyna baılanysty Qasym-Jomart Toqaev QR Parlamenti Senatynyń Tóraǵasy qyzmetinen bosatyldy. Memleket basshysy QR Parlamenti Senatynyń Tóraǵalyǵyna Qaırat Mámıdiń kandıdatýrasyn usynyp, jasyryn daýys berý kezinde senatorlar onyń kandýdatýrasyn jaqtap, daýys berdi. Osylaısha Qaırat Mámı QR Parlamenti Senatynyń Tóraǵasy bolyp saılandy.
«Men taıaýda BUU-nyń Bas hatshysy Pan Gı mýn myrzaǵa Q. Toqaevty dılomat maman, úlken tájirıbeden ótken adam retinde mártebeli uıymǵa qyzmetke usynǵan bolatynmyn. Soǵan oraı Q. Kemeluly BUU Bas hatshysynyń orynbasary laýazymyna taǵaıyndaldy. Ol ári BUU-nyń Jenevadaǵy bóliminiń Bas dırektory qyzmetin atqarady. Barshańyz bilesizder Q. Toqaev BUU-nyń basshylyq qyzmetine taǵaıyndalǵan Qazaqstandaǵy ǵana emes, Azııadaǵy alǵashqy tulǵa. Bul Qazaqstan úshin zor mártebe, ári úlken jaýapkershilik»,-dedi N. Nazarbaev.
Sonymen qatar Elbasy 1992 jyldan beri óziniń janynda taımaı qyzmet istep kele jatqan Q. Toqaevty tájirıbeli, bedeldi azamattyń biri retinde atap, «Toqaev úkimeti eń bedeldi atqarýshy organ» bolǵanyn atap kórsetti.
