Elbasy qarjy júıesiniń turaqtylyǵyn qamtamasyz etýge baǵyttalǵan zańǵa qol qoıdy
ASTANA. QazAqparat - Memleket basshysy Nursultan Nazarbaev «Qazaqstan Respýblıkasynyń keıbir zańnamalyq aktilerine ekinshi deńgeıdegi bankterdiń jumys istemeıtin kredıtteri men aktıvteri, qarjylyq qyzmetter kórsetý jáne qarjy uıymdary men Qazaqstan Respýblıkasynyń Ulttyq bankiniń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń zańyna qol qoıdy.
Bul týraly Aqordanyń baspasóz qyzmetinen habarlady.
Zań bes ınstıtýtsıonaldyq reformany júzege asyrý jónindegi 100 naqty qadam - Ult josparyn iske asyrýǵa jáne qaryz alýshylardyń quqyqtaryn kúsheıtýge, qarjy júıesiniń turaqtylyǵyn qamtamasyz etýge, ıslamdyq qarjylandyrýdy damytýǵa baǵyttalǵan.
Zań mátini baspasózde jarııalanady.
