Elbasy Qarýly kúshter men quqyq qorǵaý organdaryna joǵary talap qoıyp otyr - QR Qorǵanys mınıstrliginiń alqa otyrysy
ASTANA. 16 shilde. QazAqparat - Búgin Astanada Qazaqstan Respýblıkasy Qorǵanys mınıstrliginde vedomstvo basshysy Ádilbek Jaqsybekovtiń tóraǵalyq etýimen alqa otyrysy bolyp ótti.
Bul týraly QR QM-niń baspasóz qyzmeti habarlady.
Qarýly Kúshterdiń sapalyq kórsetkishterine baılanysty birqatar máseleler qarastyryldy. Qatysýshylar kóktemgi áskerge shaqyrý naýqanyna baılanysty jaýyngerlik daıyndyq pen áskerı tártip, sondaı-aq,Qarýly Kúshterdegi dene tárbıesiniń qorytyndylaryn talqylady.
Alqa jumysyna oblystyq áskerge shaqyrý komıssııasynyń jáne medıtsına komıssııasynyń tóraǵalary bolyp sanalatyn Densaýlyq saqtaý mınıstrliginiń ókilderi, Astana men Almaty qalalary men oblys ákimderiniń orynbasarlary qatysty.
Qorǵanys vedomstvosynyń basshysy, Alqa jumysyna birinshi ret jergilikti jerlerdegi áskerge shaqyrý jumystaryna jaýap beretin adamdardyń kelip otyrǵandyǵyn aıta kelip, áskerge shaqyrýdyń sapaly júrgizilýi Qarýly Kúshter men basqa da áskerlerdiń urysqa qabilettiligin arttyrýǵa tikeleı qatystylyǵyn, sol sebepti áskerı komıssarlar men oblystyq áskerge shaqyrý jáne medıtsına komıssııasynyń arasynda naqty ózara qarym-qatynas pen úılestirý jumystarynyń sapaly júrgizilýi qajet ekendigin nazarǵa saldy.
«Qarýly Kúshterdiń basym mindetteriniń biri áskerlerdiń jaýyngerlik jáne jedel ázirligin arttyrý bolyp tabylady»,-dep atap ótti Qorǵanys mınıstri Ádilbek Jaqsybekov. - Muny el Prezıdenti - Qazaqstan Qarýly Kúshteriniń Joǵarǵy Bas qolbasshysy talap etedi.
Ádilbek Jaqsybekov jaýyngerlik ázirlik boıynsha Qazaqstan armııasy basty nazardy jeke quramnyń daıyndyǵyna aýdaratyndyǵyn atap ótti. Búginde áskerler ártúrli urys qımyldarynyń mańyzdy qashyqtyqta ótkiziletin áreketterin oqyp úırenýde. Sol sebepti dene tárbıesi ázirligi tek jeke áskerı qyzmetshilerdiń ǵana emes, jalpy bólimsheniń jaýyngerlik daıyndyǵyn anyqtaıdy.
Alqa otyrysy qarsańynda Qazaqstan armııasynyń jetekshi quramy dene tárbıesinen synaq tapsyrǵanyn aıta ketken jón.
Qorǵanys mınıstri, «áskerlerde dene tárbıesi ázirligi eń joǵary deńgeıde bolýy tıis»,-dedi.
«Búgingi tańda Memleket basshysy quqyq qorǵaý organdaryna, Qarýly Kúshterge, basqa da áskerı qurylymdarǵa joǵary talap qoıyp otyr. Munyń bizdiń áskerge shaqyrylýshylardyń sapasyna da qatysy bar», -dep atap ótti Ádilbek Jaqsybekov. - Bul máselege prıntsıpti basymdyq qajet. Naýqanshyldyq emes, árbir shaqyrylýshyny jeke dara qaraǵan jón, jumystyń basty talaby da osy. Qarýly Kúshterdiń urysqa qabilettiligi, árbir qazaqstandyq otbasy men el qaýipsizdigi osy atalǵan sharalarǵa qatysty bolmaq.
