Elbasy Qaraǵandy oblysy ákiminiń laýazymyna Serik Ahmetovtyń kandıdatýrasyn usyndy
A. Qarashanyń 19-y. QazAqparat /Ernur Aqanbaı/ - Elbasy Nursultan Nazarbaev Qaraǵandy oblysynyń ákimi laýazymyna Premer-Mınıstrdiń orynbasary Serik Ahmetovtyń kandıdatýrasyn usyndy. Prezıdent bul jaıynda búgin «Nur Otan» partııasy saıası keńesi bıýrosynyń otyrysynda aıtty,
dep habarlaıdy QazAqparat.
«Qaraǵandy oblysynyń ákimi laýazymyna men Máslıhat depýtattaryna jáne oblys halqyna Premer-Mınıstrdiń orynbasary Serik Nyǵmetuly Ahmetovtyń kandıdatýrasyn usynyp otyrmyn. Ol Qaraǵandy oblysynan tárbıelenip shyqty. Ózine senip tapsyrylǵan barlyq ýchaskede jaqsy jumystaryn kórsete bildi, tabystarǵa jetti. Qaraǵandy oblysynyń el úshin mańyzy zor óńir. Oǵan eńbekte ysylmaǵan adamdy jibere almaımyz. S. Ahmetov elimiz úshin mańyzy zor oblysty jaqsy basqarady dep úmittenemin», dedi Prezıdent.
