Elbasy «JP Morgan Chase International» basshysymen AHQO perspektıvasyn talqylady

NUR-SULTAN. QazAqparat – QR Tuńǵysh Prezıdenti Nursultan Nazarbaev «JP Morgan Chase International» basqarma tóraǵasy Djeıkob Frenkelmen kezdesti. QazAqparat bul týraly Elbasynyń resmı saıtyna silteme jasap habarlaıdy.

Áńgime barysynda Elbasy álemniń jetekshi sarapshylary ózara dıalog qurýy úshin «Astana klýb» alańynyń erekshe mańyzdy ekenin atap ótti.

«Qazaqstanǵa qosh keldińizder. Bizdiń forýmǵa kórnekti qarjyger, bedeldi ǵalym jáne ekonomıst, álemdegi jetekshi qarjylyq uıymnyń tabysty basshysy qatysyp otyrǵanyna óte qýanyshtymyz. Búgin «Astana klýb» forýmy álemniń zııaly qaýymymen, ekonomısterimen jáne saıasatkerlerimen kezdesip, ózekti máselelerdi talqylaýǵa múmkindik berip otyr», - dedi Qazaqstannyń Tuńǵysh Prezıdenti.

Kezdesý barysynda taraptar «Astana» Halyqaralyq qarjy ortalyǵyn odan ári damytý perspektıvalaryna da nazar aýdardy.

«Siz AHQO Qazaqstan úshin ekonomıkalyq damýǵa serpin beretin mańyzdy transformatsııalyq sheshim ekenin atap óttińiz. Biz bul bastamany odan ári damytyp jatyrmyz. Qazirgi ýaqytta AHQO qarjy ortalyqtarynyń jahandyq ındeksinde 51-shi orynda tur», - dedi Nursultan Nazarbaev.