Elbasy ІT salasyndaǵy oıynshylarǵa kedergi jasamaý týraly aıtty
Elbasynyń aıtýynsha, qarjy sektory aldyńǵy qatarly tehnologııalarǵa barynsha sezimtal keledi jáne qazirdiń ózinde bul salada tsıfrlyq sheshimder qoldanylýda.
«Munan ary da ol atalǵan protsestiń avangardynda qalmaýy tıis. «Astana» HQO aldynda jańa qarjylyq tehnologııalar men quraldardy ilgeriletý boıynsha mindet tur. Bul ortalyq EKSPO-2017 bazasynda, osy jerde qurylady. Sizderden osy jumysqa kómek kórsetýlerińizdi ótinemin», - dedi Qazaqstan Prezıdenti.
Memleket basshysy ІT salasyndaǵy oıynshylarǵa kedergilerdi alyp tastaý jáne olardyń qyzmetterin retteýdi jeńildetý qajetti jaıynda da aıtty.
«Kedergilerdi alyp tastap, tıisti retteý jumystary júrgizilýi tıis. Alaıda bizdiń jaǵdaıda kez kelgen jańa máseleni óz arnasyna túsirý úshin retteý is-sharalary qajet bolady. Bóget jasamaı kómek kórsetý kerek. Qazaqstannyń zańnamasy kásipkerlik bastamalardy yntalandyryp, ǵylymı zertteýlerdi, ázirlemeler men jańa tehnologııalardy engizýdi qoldaýy kerek. Eger qajet bolǵanda zańnamamyzǵa sáıkesinshe ózgertýler engizgen jón», - dedi Prezıdent.
Buǵan qosa, Nursultan Nazarbaev kıberqaýipsizdik máselesin de oılastyrý, aqparattyq júıeni laıyqty deńgeıde qorǵaý qajettigin atap ótti.
«Biz munymen jan-jaqty aınalysýmyz kerek», - dedi Elbasy.