«Elbasy ıslam dúnıesin bútindeýge kiristi» - respýblıkalyq basylymdarǵa sholý
ASTANA. Qarashanyń 4-i. /QazAqparat/ - Qazaq aqparat agenttigi respýblıkalyq basylymdarda qarashanyń 4-i, sársenbi kúni shyqqan ózekti materıaldarǵa sholýdy usynady.
Keshe Qazaqstan Respýblıkasynyń Prezıdenti Nursultan Nazarbaev Iordan Hashımıttik Koroldigine resmı saparmen keldi. «Egemen Qazaqstan» basylymynyń búgingi sanyndaǵy «Ejelgi elmen erteńimiz jarasa bermek» degen taqyryppen berilgen maqala Elbasynyń Iordanııa jerindegi resmı sapary týraly sóz bolady.
Qut-berekeli Jambyl aýdany ótken senbide óziniń 80 jyldyq mereıtoıyn atap ótti. Atalǵan basylymnyń «Óńir ómiri» aıdarymen berilgen «Tamyry tereń, ózegi óleń yrysty el» atty kelesi maqala Jambyl aýdannyń osy mereıtoıyna arnalady.
«Ádebıet tarıhynda laıyqty orny bolsa da, shyǵarmalary sońǵy ýaqytqa deıin kópshilikke tutas jetpeı jatqan aqynnyń biri Nurjan Naýshabaıuly. Onyń óleńderi kezinde az da bolsa jaryq kórip, belgili ádebıetshiler tarapynan tıisti baǵasyn alǵan. Alaıda kóp ýaqytqa deıin aqyn shyǵarmashylyǵy tolyq zerttelmedi»,- deıdi Ahmet Baıtursynuly atyndaǵy Qostanaı memlekettik ýnıversıteti medıaortalyǵynyń dırektory, fılologııa ǵylymdarynyń kandıdaty Aqylbek Shaıahmet. Onyń «Sózderi topqa salynǵan» atty taqyryppen berilgen maqalasy Nurjan Naýshabaıulynyń týǵanyna - 150 jyl tolýyna oraı berilgen.
***
Elbasynyń arab elderine arnalǵan jumys saparyna nazar aýdarǵan «Aıqyn» gazeti de búgingi sanynda jaryq kórgen «Elbasy ıslam dúnıesin bútindeýge kiristi» degen maqalasynda «Sapar baǵdarlamasyna sáıkes Nursultan Nazarbaev pen Abdolla II ben Hýseın aldymen ekeýara kezdesti. Sodan soń eki eldiń resmı delegatsııalarynyń qatysýymen keńeıtilgen qurama kelissózder júrgizildi», - dep jazdy.
Keshe «Nur Otan» partııasy tóraǵasynyń birinshi orynbasary Darhan Káletaev «AıtRARK» qoǵamdyq-saıası pikirtalas klýbynyń kezekti otyrysyna qatysty. «Aıqyn» gazetiniń búgingi sanyndaǵy «Prezıdent jalǵyz emes, onyń mıllıondaǵan qoldaýshysy bar» degen taqyryppen berilgen maqala atalmysh otyrys týraly egjeı-tegjeıli baıandaıdy.
Sondaq-aq osy basylymnyń dástúrli «Aq sóıle» aıdary «Prezıdent tapsyrmalarynyń barlyǵy jańa óndiriske Qazaqstan ǵylymyn etene aralastyrýǵa baǵyttalǵan» degen taqyryppen tehnıka ǵylymdarynyń doktory, professor Mádenıet Kóbdikovpen bolǵan suhbatty jarııalady. Suhbat temirjol salasyndaǵy jaǵdaılar jáne basqa da ózekti máseleler tóńireginde oı órbitedi.
***
«Memleket basshysy Nursultan Nazarbaev Iordan Hashımıttik Koroldigine resmı saparmen keldi», dep jazady «Kazahstanskaıa pravda» gazeti. Keshe Ammanda Abdalla II ben Hýseınmen ótken kelissózder saıası, ekonomıka jáne mádenı-gýmanıtarlyq saladaǵy yntymaqtastyqty tereńdetýdegi eki eldiń sheshimderin bekite tústi. Ekeýara jáne keńeıtilgen quramyndaǵy kelissózder barysynda Nursultan Nazarbaev pen Abdalla II ben Hýseın ekijaqty qarym-qatynastyń keshendi máselelerin, ózara is-áreketti jáne yntymaqtastyqty ońtaılandyrý joldaryn talqylady.
«Ekspress-Kazahstan» basylymynyń jazýynsha, BUU Bas Assambleıasy Qazaqstannyń tamyzdyń 29-yn Halyqaralyq ıadrolyq synaqtarǵa qarsy is-qımyldar kúni dep jarııalaý týraly bastamasyn qoldaǵan. BUU Bas Assambleıasynyń qarýsyzdaný jáne qaýipsizdik máselelerimen aınalysatyn komıteti ýaǵdalastyq negizinde Qazaqstan usynyp otyrǵan tamyzdyń 29-ynHalyqaralyq ıadrolyq synaqtarǵa qarsy is-qımyldar kúni dep jarııalaý týraly qararyn maquldaǵan.
